FLASH
Shkruar nga Pamfleti
I sapofutur në fushën e lojës, këtë pjesë të dytë Mirlind Daku shënon golin e dytë për Shqipërinë, ndaj Polonisë në minutën e 60’ të lojës.
Daku ka festuar golin duke hequr bluzen dhe vëmendjen e merr tatuazhi i tij.
Mirlind Daku ka gdhendur në trup fjalën “Katana”, dedikuar komandantit legjendar të UÇK-së Agim Ramadani.
“Katana” ka qenë pseudonimi i një prej komandantëve më të shquar dhe më aktivë të Ushtrisë Çlirimtare të Kosovës, Agim Ramadani.
Ramadani ka qenë edhe komandant i zonës së Kosharës.
Më 1 Prill 1999, “Katana” ra dëshmor gjatë një luftimi ballë për ballë me forcat serbe. Ai mori pjesë në Betejën e përgjakshme të Koshares e cila u zhvillua në Prill të vitit 1999.
Beteja e Koshares njihet edhe si beteja ku u thye kufiri. Në shenjë simbolike, Ushtarët e UÇK-së rrëzuan gurin e kufirit që ndante Kosovën me Shqipërinë. Prandaj edhe në tatuazhin e Dakut është pikturuar edhe një këmbë me një piramidë të rrëzuar të kufirit.
Në këtë betejë, ushtria jugosllave e humbi kontrollin e kufirit Kosovë-Shqipëri, e cila ishte një fitore e madhe për Ushtrinë Çlirimtare të Kosovës, duke i detyruar ushtarët serbë të largohen nga kufiri dhe duke e mundësuar kalimin e sigurt të armëve dhe vullnetarëve nga Shqipëria për në Kosovë.
Ramadani ishte komandant i “Brigadës 138” deri në ditën e rënies së tij. Pas përfundimit të luftës ai u shpall Hero i Kosovës.
Mirlind Daku extends the lead for Albania ???????????? pic.twitter.com/QXrN8xHqPt
— FOX Soccer (@FOXSoccer) September 10, 2023
Lini një Përgjigje