FLASH
Shkruar nga Pamfleti
Familja e Kate Middleton duket se është në një krizë të thellë ekonomike. Prindërit e saj kanë shitur biznesin e familjes. Kriza nuk ka kursyer as kompaninë e tyre, duke shkuar në prag falimentimi.
Çifti e ka shitur biznesin dhe kanë zgjedhur të dalin në pension. “Party Pieces”, kompania e eventeve, u themelua në vitin 1987 dhe u ble nga sipërmarrësi James Sinclair.
Biznesi familjar i Kate Middleton ka shitur gjithmonë aksesorë për festat e fëmijëve, nga tollumbacet te dekorimet dhe kostumet për maska. Suksesi i “Party Pieces” ishte i tillë, sa prindërit e Middleton u bënë shumë shpejt milionerë. Princesha e Uellsit gjithashtu ka punuar për biznesin përpara se të fillonte jetën e saj në familjen mbretërore. Edhe motra e saj, Pippa Middleton ka bashkëpunuar prej disa kohësh për “Party Pieces”.
Rikujtojmë, se vitin që lamë pas Kate Middleton ‘sundoi zemrat’ e britanikëve, duke lënë pas Mbretëreshën Consort dhe Meghan Markle në një sondazh kombëtar për fushatën “Girls Out Loud”. Kate kryesoi listën pasi u votua si gruaja më frymëzuese e vitit në Britaninë e Madhe duke siguruar 35% të votave. Mes kandidatëve ishin edhe ish-kryeministrja britanike Liz Truss, Rochelle Humes dhe Emma Watson.
Pas vdekjes së Mbretëreshës Elizabeth II, lajmet e familjes mbretërore dominojnë rrethin e Mbretërisë së Bashkuar dhe jo vetëm.
Lini një Përgjigje