FLASH
Shkruar nga Pamfleti
Einxhel Shkira ka folur për raportin e saj aktual me Argjirën, Gracianon dhe Fjoralbën, duke pranuar se miqësia mes tyre ka pësuar ndryshime.
Gjatë një interviste në emisionin “Mirëmbrëma yje”, ajo u pyet për lajmet që qarkulluan lidhur me vendimin e saj për t’i hequr nga ndjekësit disa prej miqve në rrjetet sociale. Shkira tha se marrëdhënia mes tyre nuk është më si më parë.
Sipas saj, disa lidhje funksionojnë mirë për një periudhë të caktuar dhe më pas ndryshojnë. Ajo shtoi se në disa momente ka ndjerë mungesë mbështetjeje nga persona që i konsideronte të afërt.
Moderatorja përmendi edhe një episod që lidhet me një dëmtim fizik që pësoi së fundmi. Ajo theu këmbën dhe në media qarkulluan lajme që e paraqitnin situatën si më të rëndë nga sa ishte në të vërtetë. Në atë periudhë, sipas saj, pritshmëritë ndaj njerëzve të afërt nuk u përmbushën.
Lidhur me vendimin për t’i hequr nga lista e ndjekësve në rrjetet sociale, Shkira tha se reagoi në një moment gjaknxehtësie.
Einxhel Shkira, Argjira Spanca, Graciano Tagani dhe Fjoralba Ponari kanë pasur një raport të afërt prej vitesh. Gjatë pjesëmarrjes së Shkirës në “Big Brother VIP Albania 1”, Argjira dhe Fjoralba e vizituan në shtëpinë e spektaklit si dy prej personave më të afërt të saj.
Aktualisht, marrëdhënia mes tyre duket se ka hyrë në një fazë distancimi.
Lini një Përgjigje