FLASH
Shkruar nga Pamfleti
Një dasmë në Egjipt ka përfunduar në tragjedi, pasi dhëndri u rrëzua dhe vdiq teksa kërcente me nusen.
Ashraf Abu Hakam u filmua teksa festonte me bashkëshorten e tij të enjten, përpara se të ndodhte fatkeqësia.
Në videot e publikuara online, Hakam shihet duke mbajtur duart me gruan e tij, teksa po kërcenin së bashku para miqve dhe familjarëve. Në një moment, ai rrëzohet papritur në tokë ndërsa mbante dorën e nuses.
Të ftuarit iu afruan menjëherë në një përpjekje për t’i ofruar ndihmë, por fatkeqësisht ai ndërroi jetë.
Muzika dhe të qeshurat u zëvendësuan shpejt në britma dhe trishtim.
“Gulf News” raporton se mjekët kanë konfirmuar më vonë se dhëndri kishte pësuar një arrest të papritur kardiak.
Lini një Përgjigje