FLASH
Shkruar nga Pamfleti
Chrissy Teigen është përballur me kritika në rrjetet sociale pasi publikoi disa fotografi me një këmishë transparente. Përballë reagimeve, autorja e librave Cravings vendosi të sqarojë publikisht qëndrimin e saj.
"Nuk i konsideroj aspak seksi apo provokuese, sidomos pasi kam bërë disa ndërhyrje dhe kanë ushqyer fëmijët e mi. Por nëse ju mendoni kështu, kërkoj ndjesë", shkroi ajo në Instagram.
Më pas, Teigen e mbylli reagimin me një dozë humori: "Shpresoj t'ia dilni ta përballoni. Jam pothuajse e sigurt se do t'ia dilni. Ju dua shumë."
Modelja, e cila ka katër fëmijë me bashkëshortin John Legend, ka folur vazhdimisht me sinqeritet për ndërhyrjet estetike që ka kryer ndër vite. Në një intervistë të dhënë në vitin 2024, ajo zbuloi se i është nënshtruar tri procedurave në gjoks.
"Kam bërë ngritje të gjoksit, kam vendosur implante dhe më pas i kam hequr", u shpreh ajo.
Teigen ka treguar gjithashtu se implantet i vendosi kur ishte 20 vjeçe për arsye estetike, por vendosi t'i hiqte pas shtatzënive.
Ajo është shprehur gjithmonë e hapur edhe për procedurat e tjera estetike, duke theksuar se dëshiron të jetë transparente me publikun dhe të mos krijojë pritshmëri të rreme për pamjen fizike.
"Nuk është e drejtë t'i bësh njerëzit të besojnë se gjithçka është perfekte. Dua që fëmijët e mi të ndihen mirë me veten, por edhe të dinë të vërtetën", ka deklaruar modelja.
Lini një Përgjigje