FLASH
Shkruar nga Pamfleti
Një postim i fundit i Rozana Radit në rrjetet sociale ka rikthyer menjëherë artistën në qendër të vëmendjes së publikut dhe mediave rozë.
Këngëtarja dhe moderatorja, e cila së fundmi u komentua gjerësisht pas intervistës virale me ish-partnerin e saj MC Kresha, ka publikuar një mesazh në 'Instastory' që ka ngjallur reagime.
Në postimin e saj, Rozana lë të kuptohet se heshtja nuk duhet interpretuar si dobësi, duke paralajmëruar se në momentin e duhur do të reagojë ndryshe.
“Jam shumë e qetë… aq qetë sa disa po e ngatërrojnë heshtjen me pafuqinë. Mos u shqetësoni, kur të vijë momenti për të folur nuk do flas, do veproj. Vetëm rrini në pritje”, shkroi ajo.
Mesazhi u përkthye menjëherë nga ndjekësit si një reagim indirekt ndaj zhvillimeve të fundit që kanë përfshirë emrin e saj.
Intervista me MC Kreshën, ku të dy u shfaqën të qetë dhe korrektë me njëri-tjetrin, u komentua gjerësisht në rrjet, ndërsa shumë ndjekës vunë re tensionin e fshehur pas komunikimit të tyre publik.
Megjithatë, Rozana nuk ka dhënë asnjë detaj konkret mbi kujt i drejtohet mesazhi apo çfarë e ka shtyrë të reagojë në këtë mënyrë.
Për momentin, artistja ka zgjedhur të ruajë heshtjen, por postimi i saj ka mjaftuar për të ndezur rrjetin dhe për të shtuar kuriozitetin mes ndjekësve.
Lini një Përgjigje