FLASH
Shkruar nga Pamfleti
Reperja Cardi B ka dalë publikisht për të sqaruar spekulimet dhe komentet e shumta që qarkulluan ditët e fundit lidhur me marrëdhënien e saj me yllin e NFL-së, Stefon Diggs. Pas lajmeve se çifti nuk e kishte kaluar Krishtlindjen së bashku, Cardi B publikoi një video në platformën X, ku kërkoi që situata të mos dramatizohej.
33-vjeçarja tha se reagimet kanë kaluar kufijtë dhe janë bërë të padrejta, duke theksuar se nuk mund të ndryshojë vendime të së kaluarës. “E vetmja rrugë është të eci përpara dhe të fokusohem te e ardhmja, pa u ndikuar nga gjykimet e të tjerëve,” u shpreh ajo.
Cardi B dhe Stefon Diggs u bënë prindër për herë të parë së bashku në muajin nëntor, mirëpritën një djalë, ndërsa përfaqësuesi i këngëtares konfirmoi se ajo dhe foshnja janë në gjendje të mirë dhe shumë të lumtur. Ky është fëmija i katërt për Cardi B, e cila ka edhe tre fëmijë të tjerë nga martesa e mëparshme me reperin Offset, ndërsa Diggs është baba i dy vajzave nga marrëdhënie të mëparshme.
Lajmet për jetën personale të çiftit kanë qenë shpesh në qendër të vëmendjes, por Cardi B duket e vendosur të mbrojë privatësinë e saj dhe të mos lejojë që kritikat të ndikojnë në zgjedhjet e saj familjare.
Lini një Përgjigje