FLASH
Shkruar nga Pamfleti
Gjykata e Apelit ka refuzuar kërkesën e avokatit mbrojtës të të dyshuarit Naim Murseli për vrasjen e Liridona Ademajt mbrëmjen e 29 Nëntorit në Prishtinë.
Pas vërtetimit të aktgjykimit, Gjykata Themelore e Prishtinës i caktoi më 3 Dhjetor të këtij viti, masën e paraburgimit prej 30 ditësh bashkëshortit të Liridonës, Naim Murselit, si porositës i vrasjes, Granit Plavës si ekzekutues dhe Kushtrim Kokallës si bashkëpunëtor.
Ndërkohë, kujtojmë se të dyshuarit të katërt në lidhje me këtë ngjarje, shtetasi T.D. i është caktuar masa e paraburgimit më 11 Dhjetor. I dyshuari i katërt u arrestua më 9 dhjetor, teksa dyshohet se shiti armën dorazi.
“Me aktvendimin e Gjykatës Themelore në Prishtinë – Departamenti për Krime të Rënda, PPRKR.nr.309/2023 të datës 12.12.2023, të pandehurve N.M, G.P dhe K.K, i ’u ka caktuar masën e paraburgimit në kohëzgjatje prej një (1) muaj, për shkak të dyshimit të bazuar se i pandehuri N.M, ka kryer veprën penale në bashkëkryerje vrasje e rëndë nga neni 173 paragrafi 1, nën paragrafi 1.3 dhe 1.4, lidhur me nenin 31 të KPRK, i pandehurit G.P, për shkak të veprës penale vrasje e rëndë nga neni 173 paragrafi 1, nën paragrafi 1.4 dhe 1.6 të KPRK dhe veprës penale secili veç e veç mbajtja në pronësi, kontroll ose posedim të paautorizuar të armëve nga neni 366 paragrafi 1 i KPRK, si dhe i pandehuri K.K për shkak të veprës penale marrëveshja për të kryer veprën penale vrasja e rëndë nga neni 173 paragrafi 1 nën paragrafi 1.6 lidhur me nenin 35 të KPRK”, thuhet në njoftimin e Apelit.
Lini një Përgjigje