FLASH
Shkruar nga Pamfleti
Kamionët që kalojnë nga pika e Jarinjës në Serbi janë bllokuar nga disa qytetarë serbë.
Sipas mediave kosovare, rreth orës 19:00, disa shoferë serbë të kamionëve, në shenjë pakënaqësie ndaj zhvillimeve të fundit, kanë bllokuar rrugën magjistrale në pjesën e Serbisë (pas pikës kufitare në Jarinjë), ku nuk po lejojnë kalimin e kamionëve me targa të Kosovës të shkojnë në Serbi.
Pas rrëmbimit të tre policëve të Kosovës nga ana e Serbisë, Kosova ka bllokuar hyrjen e mallrave dhe kamionëve serb në Kosovë për shkaqe sigurie.
Ministria e Jashtme u ka bërë thirrje qytetarëve që të shmangin udhëtimet nëpër territorin e Serbisë. Gjithashtu Policia e Kosovës njoftoi të hënën se është arrestuar një pjesëtar i komunitetit serb nën dyshimet për përfshirje në sulm ndaj gazetarëve.
Sipas policisë, i arrestuari që u identifikua me inicialet U.V., është përfshirë në sulm ndaj mediave/gazetarëve me datë 16 qershor 2023. Ky është personi i tretë i arrestuar brenda tre ditëve për sulm ndaj gazetarëve në komunën e Leposaviçit dhe Zveçanit.
Lini një Përgjigje