FLASH
Shkruar nga Pamfleti
Ka përfunduar takimi në Bruksel i kryeministrit të Kosovës, Albin Kurti me përfaqësuesin e lartë të Bashkimit Evropian, Josep Borrell, dhe me të dërguarin e posaçëm të BE-së për dialogun Kosovë-Serbi, Mirosllav Lajçak.
Në fokus të takimit ka qenë ulja e tensioneve në veri si dhe zbatimi i planit 3 pikësh të propozuar nga BE. Gjithashtu edhe lirimi i 3 policëve të Kosovës të cilët u rrëmbyen javën e kaluar nga serbët.
Ndërkohë pas Kurtit, Borrel dhe Lajçak kanë nisur takimin në Bruksel me presidentin e Serbisë, Aleksandar Vuçiç. Takimet janë zhvilluar të ndara dhe nuk ka njoftim nëse do të ketë takim mes Kurtit e Vuçiçit.
Për takimin me Kurtin, Borrell është deklaruar nëpërmjet një postimi në rrjetin social, Twitter ku tha se synon të arrihet sot një marrëveshje për uljen e tensioneve.
“Situata në veri të Kosovës vazhdon të jetë shumë e tensionuar. Sot, ne synojmë të gjejmë zgjidhje për deeskalim të menjëhershëm dhe një rrugë përpara”, ka shkruar ai.
The situation in the north of #Kosovo continues to be very tense.
— Josep Borrell Fontelles (@JosepBorrellF) June 22, 2023
Today, we aim to find solutions for immediate de-escalation and way forward.
The meeting with Prime Minister @albinkurti has started. pic.twitter.com/Pdu6F0LBgT
Lini një Përgjigje