FLASH
Shkruar nga Pamfleti
Zëvendëskryeministër i Serbisë, Aleksandar Vulin ka dhënë një intervistë për mediumin rus “RIA Novosti”, ku tha se përshkallëzimi i situatës në Kosovë mund të ndodhë në çdo moment.
Këto komente, ai i bëri nga Shën Petersburgu i Rusisë, teksa tha se Serbia nuk do të rri duarkryq nëse ka dhunë ndaj serbëve në Kosovë.
“Situata në provincën jugore serbe mund të përshkallëzohet në çdo moment. Kur ushtrohet dhuna ndaj serbëve, është e pamundur të pritet që të gjithë, veçanërisht Serbia, të qëndrojnë anash dhe të shikojnë. Sigurisht që nuk do ta bëjmë”, deklaroi zyrtari i lartë serb.
Vulin ka theksuar se lufta për të drejtat e serbëve në Kosovë është pjesë e strategjisë kombëtare të Serbisë.
“Kolegët e Serbisë nga BRICS, Sekretari i Këshillit të Sigurimit të Federatës Ruse Sergey Shoigu, ministrat e jashtëm të Kinës, Brazilit, Afrikës së Jugut, Azerbajxhanit, tregojnë simpati dhe mbështetje të fortë për Serbinë dhe kuptojnë thellësisht se për çfarë po lufton vendi ynë”, tha Vulin.
Lini një Përgjigje