FLASH
Shkruar nga Pamfleti
Një shpërthim i fuqishëm ka ndodhur mesditën e sotme në afërsi të Liqenit të Ujmanit në Kosovë. Fatmirësisht mediat kosovare raportojnë se nga shpërthimi nuk ka të lënduar, por vetëm dëme materiale.
Zëvendësdrejtori i Policisë së Kosovës për pjesën veriore, Veton Elshani, ka thënë se nuk ka të lënduar, por vetëm dëme materiale në dy makina që janë ndodhur aty pranë.
“Ka një shpërthim, pasi të kalohet tuneli i 5-të në anën e majtë, ka pas dëme materiale në dy vetura, të lënduar nuk ka, rrethanat se si ka ndodh deri të shpërthimi nuk dihen, policia është duke u marrë me rastin”, tha Elshani.
Ai nuk e ka specifikuar saktë se për çfarë shpërthimi bëhet fjalë, por thjeshtë deklaroi se policia është duke u marrë me rastin.
Ndërkohë që si shkak i temperaturave të larta qyetatarët e zonës kanë frekuentuar liqenin për plazh dhe një prej tyre ka filmuar momentin kur ndodhe shpërthimi.
Hetimet do të nxjerrin se çfarë ishte shpërthimi dhe se nga kush u bë. Liqeni Liqeni i Ujmanit konsiderohet pikë strategjike vitale për Kosovën, pasi pos tjerash, aktualisht furnizon me ujë, një zonë me mbi 500 mijë kosovarë.
Lini një Përgjigje