FLASH
Shkruar nga Pamfleti
Nga 29 janari i këtij viti, qytetarëve të Kosovës dhe atyre italianë do t’u njihen patentat e shoferëve në të dyja shtetet.
Ministria e Punëve të Brendshme e Kosovës njoftoi se ka hyrë në fuqi marrëveshja e arritur mes dy shteteve.
Sipas njoftimit, kjo marrëveshje u mundëson qytetarëve “të bëjnë konvertimin e dokumenteve pa pasur nevojë t'u nënshtrohen procedurave shtesë, as nga pjesa teorike, as nga pjesa praktike”.
“Zbatimi i kësaj marrëveshjeje është një hap i rëndësishëm drejt integrimit të qytetarëve të Kosovës që jetojnë në Republikën e Italisë”, ka thënë MPB-ja në njoftim.
Në dhjetor të vitit 2024, ministri i Punëve të Brendshme bëri me dije se nënshkroi një marrëveshje me Kroacinë për njohjen e ndërsjellë të patentë shoferëve.
Ndërkaq në vitin 2022, Ministria njoftoi se pas njohjes së patentë shoferëve nga Gjermania, janë në proces të arritjes së marrëveshjeve me Kanadanë, Turqinë e Austrinë.
Lini një Përgjigje