FLASH
Shkruar nga Pamfleti
Ambasada e SHBA në Prishtinë ka reaguar lidhur me mbylljen e 9 degëve të Postës së Serbisë në veri të Kosovës.
Në deklaratën e ambasadës thuhet se veprimet e pakoordinuara minojnë reputacionin e Kosovës si një partner i besueshëm ndërkombëtar teksa shton se ky vendim do të përshkallëzojë tensionet rajonale.
Ambasada e SHBA gjithashtu bën thirrje për dialog dhe normalizim të marrëdhënieve ndërmjet Kosovës dhe Serbisë.
“Qeveria e SHBA është thellësisht e zhgënjyer nga veprimet e njëanshme dhe të pakoordinuara të ndërmarra nga Qeveria e Kosovës ndaj degëve të postave serbe në veri të Kosovës.
Veprimet e pakoordinuara të Kosovës i vënë qytetarët e Kosovës dhe ushtarët e KFOR-it në rrezik më të madh, përshkallëzojnë në mënyrë të panevojshme tensionet rajonale dhe minojnë reputacionin e Kosovës si një partner i besueshëm ndërkombëtar.
Ne i bëjmë thirrje qeverisë së Kosovës që të ndërpresë çdo veprim të mëtejshëm të njëanshëm dhe t'i kthehet angazhimit konstruktiv në Dialogun e lehtësuar nga BE-ja për të zgjidhur çështjet që kanë të bëjnë me normalizimin e marrëdhënieve ndërmjet Kosovës dhe Serbisë”, thuhet në reagimin e SHBA në Kosovë.
Lini një Përgjigje