FLASH
Shkruar nga Pamfleti
Mbyllja e qeverisë amerikane po mban vonon gjyqin ndaj ish krerëve të Ushtrisë Çlirimtare në Hagë. Kjo është bërë e ditur nga vetë ekipi mbrojtës i Hashim Thaçit, që njofton se ka hequr dorë nga thirrja e 3 dëshmitarëve të tjerë në çështjen për krime lufte dhe kundër njerëzimit në Gjykatën Speciale.
Luka Mishetiç, avokat i ish presidentit të Kosovës, thekson se miratimi i autorizimit për dëshmitarin është vonuar me arsyetimin e mbylljes së përkohshme të Qeverisë amerikane. Ai sqaron se do të jetë i fundit që do të thirret nga mbrojtja për të dëshmuar në mbështetje të pafajësisë së Hashim Thaçit dhe të tjerëve.
Mbrojtja ka filluar me paraqitjen e provave të saj më 15 shtator të këtij viti. Deri më tani kanë dëshmuar në mbrojtje të luftës dhe misionit të ish krerëve të UÇK-së, ish-ndihmësi i sekretarit amerikan të shtetit, James Rubin, ish-këshilltari ligjor i delegacionit shqiptar në Rambuje, Paul Williams, ish-këshilltari politik i komandantit të lartë të NATO-s, Wesley Clark, John Duncan, si dhe James Covey, ish-zëvendës i përfaqësuesit të OKB-së në Kosovë.
Ndërkohë sot në Tiranë do të protestohet për drejtësi ndaj ish-udhëheqësve të Ushtrisë Çlirimtare të Kosovës, të cilët po gjykohen në Hagë si të akuzuar për krime lufte dhe krime kundër njerëzimit. Tubimi do të nisë në orën 17:00 në Sheshin “Skënderbej”. Protesta organizohet me moton “Liria ka emër” nga veteranët e UÇK-së.
Në këtë tubim do të mbajë fjalë ish-presidenti shqiptar Alfred Moisiu dhe kryetari i BDI-së, Ali Ahmeti. Po ashtu, protestës pritet ti bashkohet edhe kryebashkiaku i Prishtinës, Përparim Rama, por edhe Lutfi Haziri, një nga drejtuesit kryesorë të LDK-së.
Nga politika shqiptare, protestës pritet t'i bashkohen edhe deputetët e PS, ndërsa PD ka refuzuar të marrë pjesë. I vetmi që i ka dalë nga “rreshti” Sali Berishës, ishte Fatmir Mediu, që në seancë e djeshme plenare tha se do të jetë i pranishëm në protestë. Eskorta e presidentes Vjosa Osmani u pa duke kaluar në kufi por mësohet se ajo se ka mbërritur në Tiranë për një vizitë personale dhe më pas do largohet drejt Prishtinës.
Lini një Përgjigje