FLASH
Shkruar nga Pamfleti
Dy persona janë arrestuar nga autoritet kosovare pasi dyshohet se kryenin spiunazh për interesa të huaja.
Lajmi u bë i ditur nga Prokuroria Speciale e Kosovës e cila njoftoi se janë arrestuar dy persona të dyshuar për “spiunazh”.
Në një njoftim për media, Prokuroria tha se dy shtetasit kosovarë u arrestuan të mërkurën pas një hetimi disamujor dhe se i ngarkon ata me veprën penale “spiunazh”.
“Sot në bashkëpunim me Policinë e Kosovës dhe AKI-në, ka zhvilluar bastisje në dy lokacione të Kosovës dhe ka arrestuar dy persona me nënshtetësi Kosovare, të dyshuar për kryerjen e veprës penale “spiunazhi”, nga neni 124 të KPRK-së”, thuhet në njoftim, shkruan REL.
Ata janë ndaluar për 48 orë me vendim të prokurorit. Prokuroria tha se ndaj tyre do t’i ndërmarrë “të gjitha veprimet e nevojshme hetimore”. Nuk u dhanë hollësi të tjera rreth këtij rasti.
Lini një Përgjigje