
Makina e nënkryetares së Leposaviç-it, Dragana Miletiç, në veri të Kosovës është përfshirë nga flakët mbrëmjen e së hënës.
Lajmin për Telegrafin e ka konfirmuar drejtori i policisë në veri, Veton Elshani.
Sipas tij, ende nuk dihen arsyen e këtij rasti, por hetimet kanë nisur.
“Po e kemi një rast në Komunë të Leposaviçit. Një pjesë e një makine është përfshirë nga flakët. Arsyet ende nuk dihen”, ka thënë Elshani.
Edhe mediat lokale serbe në Kosovë kanë shkruar se bëhet fjalët për makinën e nënkryetares, Miletiç.
Ndërkaq, nënkryetarja Miletiç, para disa muajsh kishte raportuar në Polici se ishte kërcënuar, kishte kërkuar edhe mbrojtje nga Policia e Kosovës.
Lini një Përgjigje