FLASH
Shkruar nga Pamfleti
Në vazhdën e akuzave, ish-kryeministri Sali Berisha, në fjalimin para qytetarëve të mbledhur poshtë banesës së tij, risolli në vëmendjen çështjen “McGonigal”.
Për këtë Berisha akuzoi kreun e SPAK, Altin Dumanin, se po përpiqet të mbyllë skandalin pa e hetuar.
Berisha tha se Edi Rama është i damkosur pasi është kapur në flagrancë nga drejtësia amerikane.
“Sot kryeministri i vendit është zyrtari më i damkosur në Europë sepse është kapur në flagrancë nga drejtësia e SHBA se ka korruptuar zyrtarin më të lartë të zbulimit të këtij vendi.
Gjithë njerëzit e ndershëm në SHBA, në Europë dhe kudo, presin përgjigjen tonë.
Askush të mos mendojë se Dumani do të hetojë, përkundrazi Dumani është bashkautor me mbrojtjen që i bën në të gjitha krimeve të Edi Ramës”, ka thënë Berisha.
Sipas ish-kryeministrit nuk është e vërtetë që skandali “McGonigal” po hetohet dhe kjo vërtetohet edhe nga fakti se asnjë prej personave të përfshirë nuk janë thirrur për të dëshmuar.
Lini një Përgjigje