FLASH
Shkruar nga Pamfleti
Deputetja e Partisë Demokratike, Albana Vokshi ka denoncuar në SPAK një tjetër skandal të spitalit të Onkologjikut. Ajo shprehet se pacientëve që po luftojnë me jetën nuk u jepet terapia e nevojshme.
Sipas Vokshit, aparati i brakiterapisë në QSUT është sërish jashtë funksionit, ndërsa dhjetëra pacientë me kancer mbeten pa trajtim jetik.
Deputetja Vokshi thotë gjithashtu se çdo seancë e humbur, rrezikon jetën e personave që vuajnë nga kanceri, ndërsa askush nuk mban përgjegjësi për shëndetin apo jetët e humbura.
“Skandal i përsëritur në Onkologjik!
Aparati i brakiterapisë në QSUT është sërish jashtë funksionit. Dhjetëra pacientë me kancer mbeten pa trajtim jetik. Çdo seancë e humbur = rrezik për jetën!
Nuk është hera e parë.
Nuk është rast i izoluar.
Prej një viti kam kallëzuar në SPAK Ramën, ministrat e Shëndetësisë, drejtuesit e QSUT e Onkologjikut për vrasje me dashje, shpërdorim detyre, neglizhencë mjekësore. Sot janë të njëjtët drejtues në Qeveri, e në Onkologjik. Asgjë nuk ka ndryshuar. Asnjë nuk mban përgjegjësi për shëndetin apo jetët e humbura.
Sot, ndërsa qindra milionë euro shkojnë për koncesione abuzive (Check-up, sterilizim, laboratorë), pacientët nuk marrin dot terapitë që u shpëtojnë jetën.
Ky është krim shtetëror. Dhe SPAK, duke heshtur, është bërë bashkëfajtor”, shkruan Vokshi.
Lini një Përgjigje