FLASH
Shkruar nga Pamfleti
Deputeti i Partisë Demokratike, Tritan Shehu ka reaguar pas takimit të kryeministrit Edi Rama dhe kancelarin gjerman Olaf Scholz në Berlin.
Shehu thotë se kancelari ‘Scholz i preu me sëpatë çdo iluzion që Rama kishte për Ballkanin e Hapur’, teksa ka shtuar se ‘kryeministri mori një dush të ftohtë shumë dimensional në Berlin’.
"Scholz i pret Ramës me “sopatë” çdo iluzion per “Ballkanin e hapur”.
I jep dhe një leksion për “levizjen e lirë”, përfshi për të diplomuarit në mjekësi!
Çështje që ai vetë e hapi në Berlin, duke kujtuar se ishte “Kongresin e Shëndetësisë”!
Rama merr kështu një “dush” të ftohtë shumë dimensional sot në Berlin!
E rëndesishme kjo mbas deklaratave të tij në Mal të Zi për “Ballkanin e Hapur”.
Ajo që do të ndodhte në Berlin u “lexua” që nga njoftimi zyrtar gjerman ditë më parë.
Të falenderojmë Gjermaninë, kancelarin, për këtë rol që po luan në tërheqjen e Rajonit drejt BE nëpërmjet projekteve europiane si “Procesi i Berlinit”, për Samitin e programuar në Tetor në Tirane!.
Për bllokimin e projekteve serbe si ai i “Ballkanit të hapur”, ashtu si bëri dhe Merkel kohë më parë ndaj tentativave për “shkëmbimin e territoreve”!
Fatmirësisht tashmë “Ballkani i hapur”, një projekt i Vuçiç, kundër interesave të Shqipërisë, Kosovës, shqiptarëve e Rajonit, ka “vdekur”!
Kjo u deklarua edhe sot ne Berlin në prezencë të Ramës, që i ju “ndalua” t’i përmendi edhe emrin aty.
Sepse Rajoni ynë ka nevojë për projekte bashkëpunimi si të barabartë të të 6 vendeve tona, që të shtyjnë në rrugën e integrimit.
Të tilla projekte duhet të kenë Brukselin si drejtues e garant, qoftë dhe financiar.
Procesi i Berlinit i përmbush këto rekuizite.
Ndërsa “Ballkani i hapur” përmban vetëm hegjemoninë ekonomike e politike serbe, me Kosovën në “hije”, lidhjet me Rusinë…
Se sa për anën finaciare, ai i çon ato në Beograd, qoftë dhe me politkat e tarifave doganore!", shkruan Shehu.
Lini një Përgjigje