FLASH
Shkruar nga Pamfleti
Qeveria: Ministri gëzon të njëjtin imunitet si deputeti
Zbardhen argumentet e qeverisë në Kushtetuese, lidhur me ankimin e bërë mbi masën ndaj zv/kryeministres Belinda Balluku. Pak ditë më parë ishte kryeministri që njoftoi se ai i ishte drejtuar Kushtetueses, për të hequr pezullimin nga detyra të numrit dy të qeverisë.
Në kërkesën e dërguar në Kushtetuese Këshilli i Ministrave thotë se vendimi i Gjykatës së Posaçme për pezullimin nga detyra të zv/kryeministres dhe ministres të Infrastrukturës dhe Energjisë ndërhyn drejtpërdrejtë në kompetenca e 3 organeve të shtetit: kryeministrit, Presidentit dhe Kuvendit.
“Pezullimi sjell pasoja të rënda të interesit shtetëror e shoqëror duke krijuar vakuum institucional pasi pamundëson propozimin e projekteve me rëndësi kombëtare për integrimin në Bashkimin Evropian, rreth 800 projekte për tu miratuar deri në fund të 2027 nga ministria që udhëhiqet nga ministri, i cili është pezulluar nëpërmjet vendimit të GJKKO-së”, arsyeton Këshilli i Ministrave.
Sipas qeverisë Belinda Balluku nuk mund të pezullohej nga detyra, pasi në cilësinë e anëtares së qeverisë gëzon të drejtat si deputete.
Qeveria në argumentet e saj i referohet të nenit 103 të Kushtetutës, ku shprehimisht thuhet:
1. Ministër mund të caktohet kushdo që ka cilësitë për deputet.
2. Ministri nuk mund të ushtrojë asnjë veprimtari tjetër shtetërore dhe as të jetë drejtues ose anëtar i organeve të shoqërive fitimprurëse.
3. Anëtarët e Këshillit të Ministrave gëzojnë imunitetin e deputetit.
Në reagimin e tij lidhur me vendimin e GJKKO-së, Kryeministri Edi Rama e konsideroi të gabuar ndërhyrjen e SPAK dhe GJKKO për të urdhëruar pezullimin e një ministri.
Rama tha se vendimi i GJKKO-së është shfaqje e një pushteti krejt të ri dhe reflekseve antidemokratike.
“Pezullimi nga detyra i një ministri në këtë rast edhe zv.kryeministrit, drejtpërdrejtë për drejtimin e qeverisë është shfaqje e këtyre dobësive, të një pushteti krejt të ri dhe reflekseve antidemokratike. Rast unikal në historinë e Europës dhe në historinë e trupave speciale të drejtësisë që janë krijuar në proceset e integrimit. S’ka ndodhur kurrë një prokuror dhe një gjykatës të mblidhen kokë më kokë dhe të pezullojnë nga detyra një anëtar qeverie.
Nëse një prokuror special dhe një gjykatë special i shkallës së parë të speciales këtu në Shqipëri kanë vendosur të pezullojnë një ministër, duke marrë kompetencat e një kryeministri dhe parlamenti prej nga buron mandati i qeverisë, zgjedhja jonë në raport me këtë fakt është strategjikja si gjithmonë, për ta ruajtur dhe mbështetur pavarësinë e gjyqësor edhe në këtë rast ekstrem”, tha kryeministri.
Hajduti duhet të qendroje në detyre sepse na duhet të mbyllim punet e lena pergjysem. Hajduti është deputet. Hajduti është i zgjedhur dhe nuk e fut dot në burg. Hajdutin edhe kur e kap me presh në dore nuk e heq dot nga detyra sepse ai heq prokurori, gjyqtarin e posaçëm, gjyqtarin e larte. Hajduti mbrohet nga gjyqtari Kushtetues, sepse kushtetuta nuk mbron Hajduten, por gjykata kushtetuese mbron Hajduten. Mbravo ju qofte! Hallall kajani nonen...
Kushdo gjykates qe guxon te ktheje ne detyre nje karakurve hajdute fallco pa limite me fjalor rruge do ta mbylli deren e karrieres pergjithmone! Mos e kruani me USA, mos e kruani me durimin e nje populli te vjedhur e te tallur! Gjyqtare te nderuar ky eshte momenti te ndaheni nga krimet e qeverise, prokurori i SPAK nuk ka hedhur hapa konkrete pa lajmeruar SHBA
Pa skrupuj ! Do ishte shume mire nese do pezulloni te gjitha projected ! Kemi kohe qe e dime por tani dukshem treguat se ne “ qeverisemi” nga rrugace qe flasin e veprojne me keq se vjedhesit ordinere !