FLASH
Shkruar nga Pamfleti
Pas tensioneve dhe përplasjeve në distancë për krizën në veri të Kosovës, Edi Rama dhe Albin Kurti javën që vjen do të jenë përballë njëri-tjetrit. Rama madje ka dalë me një propozim për Asociacionin, propozim i cili është refuzuar nga zyrtarë të qeverisë. Vetë Kurti nuk ka pranuar të flasë. Por duket se kryeministri i Kosovës do e japë qëndrimin e tij më 14 qershor.
Të mërkurën e javës që vjen do të mbahet një mbledhje e përbashkët qeverie mes Kosovës dhe Shqipërisë.
Gjakova është përzgjedhur si qyteti mikpritës në një prej datave që shënjojnë historinë e kësaj treve, e ku çdo 14 Qershor nderohen dëshmorët që dhanë jetën për çlirimin e Kosovës.
Takimet zyrtare nisin në orën 11:00 me mbërritjen e delegacionit të qeverisë shqiptare dhe më pas Kryeministrit Rama.
Pas himneve të dy shteteve në orën 11:30 do të nisë edhe hapja e sesionit plenar të mbledhjes së dy qeverive, me logon “Të përbashkuar në Gjakovë”, ku pritet të nënshkruhet edhe disa marrëveshje ndërqeveritare.
Ajo që pritet me interes është dalja në konferencën e përbashkët për shtyp mes Kryeministrit të Kosovës, Albin Kurti dhe atij të Shqipërisë, Edi Rama, ku padyshim vëmendja e mediave do jetë çështja e Asociacionit dhe dokumenti konficencial që kryeministri Rama ka propozuar.
11:00 – Mbërritja e delegacionit të Qeverisë së Republikës së Shqipërisë
11:15 -Mbërritja e kryeministrit Edi Rama
11:30 – Hapja e sesionit plenar të mbledhjes së dy Qeverive Kosovë –Shqipëri
12:45 – Ceremonia e nënshkrimit të marrëveshjeve ndërqeveritare
13:15 – Konferencë e përbashkët për shtyp e Kryeministrave Kurti e Rama
14:00 – Homazhe te Lapidari i Dëshmorëve të Gjakovës
16:00 – Takimi me Kryetarët e Komunave të Zonave Kufitare (Gjakova, Peja, Deçani, Prizreni, Dragash, Tropojë, Kukës dhe Has)
Lini një Përgjigje