FLASH
Shkruar nga Pamfleti
Sipas mediave greke, për Ramën është angazhuar e gjithë policia për t’i garantuar sigurinë, ndërkohë që sipas tyre, ai pritet të vijë me provokimet në fjalimin e tij...
Incidenti me Fredi Belerin dhe mitingu që ka planifikuar kryeministri Rama në Selanik ka rritur jashtë mase grekët. Sipas tyre, sulmi me vezë dhe kos ndaj Belerit ishte i qëllimshëm, teksa akuzojnë autoritet se nuk morën masa për të garantuar sigurinë e tij, teksa heqin një paralele me sigurinë që do t’i garantohet kryeministrit shqiptar në Selanik.
“Protothema” dhe “Olympia Vima” shkruajnë se “Shqipëria po bën xhonglim mes zakoneve të këqija ballkanike dhe përpjekjes për një rrugë evropiane”, duke ju referuar kështu burimeve qeveritare.
“Edhe pse po bëhet një përpjekje për të krijuar kanale komunikimi dhe bashkëpunimi në nivelin e "politikës së ulët", si për shembull në marrëdhëniet ekonomike dypalëshe, praktikat shqiptare nuk lënë shumë hapësirë për optimizëm për një progres më thelbësor. Në fund të fundit, çështja Beleri ka hedhur një “hije të rëndë” mbi marrëdhëniet greko-shqiptare gjatë gjithë periudhës së mëparshme.
Në rastin e z. Beler, neveria personale e z. Rama, bëri që të kapërcejë etikën diplomatike, duke mos e njohur në fakt z. Beleri si deputet të Parlamentit Europian, i cili tashmë mbikëqyr rrugën e Shqipërisë drejt BE-së. Jo vetëm që nuk pranoi ta takonte, por ju shkoi në hotel pjesës tjetër të eurodeputetëve, të cilët vijnë nga radhët e eurodeputetëve”, thuhet në shkrim.
Më pas krahasohet rasti i Belerit me Ramën, i cili do të takojë shqiptarët e Selanikut. Sipas mediave greke, për të është angazhuar e gjithë policia për t’i garantuar sigurinë, ndërkohë që sipas tyre, ai pritet të vijë me provokimet në fjalimin e tij.
“Në këtë ambient, z. Rama po përgatitet të vijë të dielën në Selanik për të folur në një aktivitet parazgjedhor, siç bëri muaj më parë në Galatsi. Është e ditur se për praninë e tij do të ketë një mobilizim të fortë policor, në mënyrë që të mos ketë persona të rrezikshëm përreth dhe jashtë hotelit Porto Palace, ku është planifikuar paraqitja e tij. Nga ana tjetër, autoritetet greke vlerësojnë se sipërfaqja e një hoteli në krahasim me stadiumin e mbyllur në Galatsi është më e “kontrolluar” dhe nuk do të ketë “surpriza”. Megjithatë, sigurisht që djalli fshihet në detaje dhe në këtë rast te fjalët e kryeministrit shqiptar”, thekson artikulli. /Pamfleti
Lini një Përgjigje