FLASH
Shkruar nga Pamfleti
Ish kryeministri, Sali Berisha gjatë fjalimit të tij online në protestën e thirrur para kryeministrisë, akuzoi Ramën se e ka shndërruar Shqipërinë, njëlloj si Rusinë e Putinit.
Ai shtoi se arsyeja për të cilën ai u akuzua dhe u burgos në shtëpi, ishte e gjitha për motive politike. Ai shtoi se Rama e ka kthyer vendin në një regjim monist. Berisha theksoi se kjo protestë simbolizon startin e misionit të opozitës për mosbindje civile.
Ndërkohë që paralajmëroi kryeministrin Rama se ky është një mesazh i cili sipas Berishës, do t’i sjellë Ramës të njëjtin fat si regjimit komunist.
“Na morën vulën, na mohuan financat, na mohuan komisionerët, qeveria, diplomatë dhe ambasadorë të korruptuar u frynë qëllimisht zjarrit të përçarjes mes nesh dhe së fundmi njësoj si në Rusinë e Putinit lideri i opozitës u arrestua si person nën hetim dhe u tentua ti ndalohej fjala e lirë. Vetëm e vetëm se ai në mbrojtje të interesit publik denoncoi korrupsion qeveritar, por edhe atë ndërkombëtar. Denoncoi korrupsionin e Edi Ramës. Të gjitha këto vetëm se mbrojti interesin e kombit shqiptar, denoncoi projektet anti kombëtar.
Për të gjitha këto sot ne nuk duhet të ekzistonim politikisht, por ne mbijetuam. Bënë që ne të ishim të përçarë, që sot ne të mos ishim këtu, që Shqipëria mos kishte opozitë. Por ne realizuam të pamundurën. Asnjë opozitë nuk do ekzistonte pas sulmeve barbare, sic nuk ekziston opozitë në Rusi apo në çdo vend jo demokratik. Ndaj dhe ju vini sot në këtë shesh si heronj të të vërtetës, heronj të guximit, heronj të pluralizmit. Ju vini si heronj të betejave të fituara.
Këto dy vite zgjodhët më të vështirën, zgjodhët më të pamundurën, vetëm e vetëm sepse për ju më shumë se çdo gjë tjetër besonit tek e vërteta. Ju kemi 10 vjet në opozitë të pamerituar. Për ju Shqipëria moniste është e shkuara e saj, kurse korrupsioni i qeverise është armiku më i rrezikshëm. Siç është faktuar tashmë korrupsioni i Ramës është rrezik real për miqtë dhe partnerët kudo në botë. Duhet të kuptoni se sot është një ditë e shënuar për PD dhe jo vetëm. Sot është një ditë e shënuar për demokracinë, një ditë ë shënuar për fatin e Shqipërisë.
Ne inaugurojmë sot misionin tonë në mbarë Shqipërinë betejën pa kthim të mosbindjes civile kundër diktaturës së dytë, betejën për çlirimin e Shqipërisë dhe shqiptarëve nga narkodiktatura e shëmtuar e Edi Ramës. Ne inaugurojmë sot betejën mbarë popullore pa kthim për rikthimin e votës së lirë dhe çeljen e dyerve të Shqipërisë në BE të mbyllura nga regjimi i Ramës. Ne sot përcjellim për kombin tonë dhe botë mesazhin se popullit opozitar do ti rezervojë Ramës fatin që meriton, fatin që i rezervuam diktaturës komuniste”, tha Berisha.
Lini një Përgjigje