FLASH
Shkruar nga Pamfleti
Reforma zgjedhore mbetet një ndër temat më të mëdha të debatit politik ku secila palë akuzon tjetrën për bllokim të saj. Së fundmi akuza po lëshohen edhe brenda kampit opozitar e më konkretisht ndaj grupit mbështetës të Bashës për marrje peng të Komisionit të Reformës Zgjedhore.
Deputeti i Partisë së Lirisë Petrit Vasili akuzon mazhorancën si grabitëse votash që nuk ka vullnet për zgjedhje të lira e të ndershme.
Ai rikujton vitin 2022 kur mazhoranca rrëzoi kërkesën e PL-së për të analizuar masakrën atë që e cilësonin si masakër zgjedhore të 25 prillit 2021.
Sipas Vasilit “marrja peng e komisionit të reformës zgjedhore nga qeveria dhe bishtat opozitarë ka si qëllim asgjësimin e votës së lirë dhe pluralizmit në Shqipëri”.
“Bllokimi i qëllimshëm për plot dy vjet i Komisionit nga rilindja dhe bishtat e saj në opozitë është një atentat i qartë ndaj zgjedhjeve të lira dhe garës së barabartë zgjedhore. Opozita nuk do të pranojë kurrë një Komision farsë, që shërben si alibi për rrëmbimin e shit-blerjes të zgjedhjeve të radhës”, shkruan Vasili në reagimimn e tij.
Lini një Përgjigje