FLASH
Shkruar nga Pamfleti
Presidenti i Republikës së Shqipërisë Bajram Begaj, ka reaguar pas miratimit e rezolutës së Srebrenicës nga Asambleja e Përgjithshme e Kombeve të Bashkuara.
Në një reagim në rrjetet sociale, Begaj shkruan se Shqipëria edhe një herë e konfirmoi veten në grupin e vlerave perëndimore.
Ai theksoi se kjo datë do të shërbejë si kambanë e përhershme për të përkujtuar dënimin e gjenocidit, që masakra të tilla të mos përsëriten më.
“Asambleja e Përgjithshme e Kombeve të Bashkuara miratoi sot një rezolutë që e vendos 11 Korrikun Ditën Ndërkombëtare të Reflektimit dhe Përkujtimit të Gjenocidit të vitit 1995 në Srebrenicë.
Shqipëria edhe një herë e konfirmoi veten në grupin e vlerave perëndimore me votën dhe angazhimin e saj që kjo rezolutë të miratohej.
Kjo datë do të shërbejë si kambanë e përhershme për të përkujtuar dënimin e gjenocidit, që masakra të tilla të mos përsëriten më dhe njëkohësisht është edhe një përgjigje ndaj mohuesve të gjenocidit dhe krimeve të tilla të tmerrshme”, shkruan Begaj.
Lini një Përgjigje