FLASH
Shkruar nga Pamfleti
Deputeti i Partisë Demokratike Tomor Alizoti ka komentuar mungesën e kryeministrit të Kosovës Albin Kurti në samitet e mbajtura në Tiranë.
Sipas tij, arsyeja e mungesës së Kurtit është pasi nuk gjen ngrohtësi duke iu referuar qëndrimeve të homologut të tij Rama në disa raste.
Alizoti tha se Rama e sheh Kurtin si një rival për influencën shqiptare në Ballkan, duke theksuar se qëndrimet e tij janë totalisht kundër me ato të Kurtit.
“Kurti nuk gjen ngrohtësi këtu pas sjelljeve të mëparshme të Ramës. Rama mendoj se e shikon Kurtin si një rival për influencat shqiptare në Ballkan. Kurti është një kombëtar, ndërsa Rama një ndërkombëtar dhe ndaj ai nuk i jep shumë rëndësi. Serbia është tejmase e përkëdhelur nga Evropa dhe nuk mund të vijë Vuçiçi këtu e të bëjë sikur nuk ndodhi asgjë.
Qëndrimet e Ramës janë totalisht kundër Kurtit. Gjithë perceptimi në Shqipëri është se Rama është kundër Kurtit. Kurti hyn te njerëzit që ka një farë zgjuarsie dhe i përfaqëson më mirë interesat e Kosovës dhe ai ka disa të drejta të vetat për të munguar në këto samite që janë kthyer në parada mode”, u shpreh ai për "Open".
Lini një Përgjigje