FLASH
Shkruar nga Pamfleti
Analisti Mentor Kikia ka debatuar ashpër me anëtarin e Kryesisë së PD-së Çlirim Gjata lidhur me vendimin e GJKKO-së për heqjen e masës së sigurisë ndaj kreut demokrat Sali Berisha.
Kikia tha se vendimi mund të jetë i ndikuar nga zhvillimet, përfshi edhe faktin se Gjykata Europiane në Strasburg, ka përshpejtuar gjykimin e çështjes.
Ai u shpreh se kjo është një çështje që nuk duhet të gëzohet askush para kohe. Kikia shtoi se entuziazmi i demokratëve ishte legjitim sot, por edhe kjo rezistenca e demokratëve mendoj se ka ndikuar.
“Duhet parë se si argumentohet vendimi i GJKKO-së që hoqi masën e sigurisë ndaj Berishës, ndërsa në anën tjetër ne presim nisjen e çështjes gjyqësore për dosjen “Partizani”, u shpreh ai.
Anëtari i Kryesisë së PD-së, Çlirim Gjata kundërshtoi duke thënë se lideri politik i opozitës u mbajt në arrest pa asnjë provë.
“Pse u ndërhy politikisht në gjyqësor për të mbajtur në arrest liderin e opozitës? Gjithçka ka lidhje me zgjedhjet, donin të na mbanin të bllokuar”, tha Gjata për “Open”.
Lini një Përgjigje