FLASH
Shkruar nga Pamfleti
Rithemelimi ka reaguar pasi Këshilli i Mandateve ka miratuar me 6 vota pro kërkesën e SPAK për lejimin e arrestimit të ish-kryeministrit Berisha.
Sekretarja e Marrëdhënieve me Publikun, Jola Hysaj, e ka krahasuar mbledhjen e ditës së sotme me ato të kohës së regjimit komunist, e cila shprehet se Shqipëria është në një nga momentet më kritike të 33 viteve politikëbërje.
Ajo shkruan se jetojmë në momentet kur të drejtat po shuhen çdo ditë.
“Këshilli i Mandateve apo Komisioni i Etikës u mblodh sot?
Si në kohën e xhaxhit kur bëheshin mbledhjet e këshillit të lagjes për fletë- rrufenë e rrallës…
U quajtëm kulakë, kush është emri i ri që po na vihet?
Shqipëria është në një nga momentet më kritike të 33 viteve politikëbërje.
Jetojmë në momentet ku E Drejta e Pronës, E Drejta Jetës, E Drejta e Mendimit Ndryshe, E Drejta për të folur haptazi dhe pa frikë po shuhen çdo ditë.
Shkelja me të dyja këmbët e Kushtetutës është precedenti më i frikshëm i 33 viteve të pluralizmit politik.
Ku po shkojmë???
Kërkesa e SPAK:
SPAK kërkon dhënien e autorizimit për masë më të ashpër ndaj Berishës, atë të “arrestit shtëpiak”, ndërsa më herët është caktuar masa ‘detyrim paraqitje’, masë të cilën Berisha nuk e zbatoi me pretendimin se Prokuroria e Posaçme kishte shkelur Kushtetutën duke mos kërkuar më parë vendimin e Parlamentit. Berisha u vu nën akuzë në lidhje me privatizimin e ish-kompleksit Partizani rreth 15 vite më parë.
Ish kryeministri është nën hetim për procedurat e privatizimit të ish Klubit sportiv Partizani, përmes të cilave dyshohet se ka favorizuar dhëndrin e tij Jamarbër Malltezi, një nga pronarët e truallit ku shtrihej ish klubi e mbi të cilin më pas u ngrit një kompleks pallatesh”, shkruan Jola Hysaj.
Lini një Përgjigje