FLASH
Shkruar nga Pamfleti
Kryetari i Demokratëve Euroatlantikë, Lulzim Basha, ka reaguar pas sulmeve të Sali Berishës ditën e sotme.
Ky i fundit e quajti “dordolec të Ramës”, por Basha ka reaguar nga Uashingtoni, pasi ka shkuar të marrë pjesë në ceremoninë e Trump. Madje dhe në reagimin e tij ja ka përmendur këtë Berishës, duke e prekur te “pika e dobët”, pasi ai nuk e shkel dot tokën amerikane.
"Doktor Pazari, që amnistoi të korruptuarit e Ramës me amnistinë e turpit dhe mbylli listat për të ricikluar marrëveshjen e 2008-ës me ortakun e tij, vijon me strategjinë e lodhur: shpif, shpif se diçka do të mbetet. Më vjen keq që ka pranuar të përdoret si dordolec nga Edi Rama, për të trembur shqiptarët që duan ndryshim, duke zgjedhur vendin e gogolit për t’i dhënë Ramës pushtetin, ndërsa Berishës fallco-opozitën.
Por ky teatër i shëmtuar nuk kapërdihet më nga shqiptarët që duan ndryshim, ndërsa sulmet ndaj meje tregojnë se revolucioni 3 vjeçar është kundër meje dhe të gjithë atyre që besojnë se PD-ja nuk do të ketë fatin e klubit Partizani. Të përshëndes nga Washingtoni Doktor", shkruan Basha.
Lini një Përgjigje