FLASH
Shkruar nga Pamfleti
Reagimi i Kryeministrit vjen në një kohë, kur ai i është drejtuar Gjykatës Kushtetuese, të cilës i kërkon të shfuqizojë urgjentisht masat e sigurisë ndaj zv.Kryeministres Belinda Balluku, ndaj të cilës GJKKO, me kërkesë të SPAK, kërkon pezullimin nga funksionet qeveritare...
Kryeministri Edi Rama ka zgjedhur t’i japë një përgjigje GJKKO-së dhe Prokurorisë Speciale (SPAK) duke përdorur thënien e gjykatësit suprem amerikan, Robert H. Xhekson, që konsiderohet një nga mendjet më të ndritura që ka njohur drejtësia demokratike.
Rama ka postuar në rrjetet sociale një fjalim të mbajtur nga Xhekson në mes të shekullit të kaluar, por që sipas Kryeministrit përshtaten më të miri me situatën në Shqipëri.
“Kur prokurori kërkon njeriun përpara krimit, drejtësia vdes dhe kur një pushtet hyn në territorin e një tjetri, Kushtetuta demokratike nuk merr më frymë, por mbytet”, është një prej thënieve të Robert H. Xhekson, që përdoret nga Rama.
“Ndërsa mua personalisht, ai më ka mësuar diçka tejet frymëzuese për të ecur drejt, vetëm përpara, të cilën asnjë prej baltosësve të mi nuk e kupton dhe s’ka për ta kuptuar kurrë dot, siç fatmirësisht e kupton fare mirë shumica e shqiptarëve. Ky është mësimi madhor i shprehjes së tij lapidare, “pushteti nuk ka qenë kurrë më i denjë sesa në çastin kur ka pranuar t’i nënshtrohet gjykimit të një drejtësie të pavarur””, shkruan Rama.
Reagimi i Kryeministrit vjen në një kohë, kur ai i është drejtuar Gjykatës Kushtetuese, të cilës i kërkon të shfuqizojë urgjentisht masat e sigurisë ndaj zv.Kryeministres Belinda Balluku, ndaj të cilës GJKKO, me kërkesë të SPAK, kërkon pezullimin nga funksionet qeveritare.
Kjo konsiderohet ndërhyrje e një pushteti ndaj një tjetri, më konkretisht të sistemit të drejtësisë ndaj ekzekutivit, duke krijuar një përplasje kushtetuese mes dy pushteteve. Kjo është arsyeja që Rama me cilësinë e Kryeministrit dhe Qeveria, i janë drejtuar Gjykatës Kushtetuese.
Postimi nga Edi Rama
Më ka mbresuar prej kohësh figura monumentale e Robert H. Xheksonit, njëra nga mendjet më të ndritura që ka njohur drejtësia demokratike.
Si Prokuror i Përgjithshëm i Shteteve të Bashkuara, gjyqtar i Gjykatës Supreme dhe arkitekt i akuzës në gjyqin epokal të Nurembergut, ai vendosi themelet morale të rolit të prokurorit në një shtet modern të së drejtës.
Fjalët e tij të kumtuara në mes të shekullit të kaluar, mbeten udhërrëfyese për këdo që beson se drejtësia duhet të jetë e pavarur, por kurrë e papërgjegjshme; e fortë, por kurrë e verbër ndaj kufijve kushtetues.
Dhe po e ndaj sot me ju, fjalimin historik të Robert H. Xheksonit, sepse paralajmërimet e kryeprokurorit legjendar të Amerikës, njeriut që shkroi etikën moderne të prokurorit demokratik, tingëllojnë sot si të shkruara për ne.
Robert H. Xheksoni i mësoi botës demokratike se kur prokurori kërkon njeriun përpara krimit, drejtësia vdes dhe kur një pushtet hyn në territorin e një tjetri, Kushtetuta demokratike nuk merr më frymë, por mbytet.
Ndërsa mua personalisht, ai më ka mësuar diçka tejet frymëzuese për të ecur drejt, vetëm përpara, të cilën asnjë prej baltosësve të mi nuk e kupton dhe s’ka për ta kuptuar kurrë dot, siç fatmirësisht e kupton fare mirë shumica e shqiptarëve. Ky është mësimi madhor i shprehjes së tij lapidare, “Pushteti nuk ka qenë kurrë më i denjë sesa në çastin kur ka pranuar t’i nënshtrohet gjykimit të një drejtësie të pavarur”.
Ja edhe fjalimi i Robert h. Xheksonit që ka hyrë në analet e historisë me titullin “prokurori federal”, mbajtur në prill 1940 në konferencën vjetore të prokurorëve të shteteve të bashkuara:
Prokurori ka më shumë kontroll mbi jetën, lirinë dhe reputacionin e një personi sesa çdo njeri tjetër në Amerikë. Liria e tij është marramendëse. Ai mund t’i vendosë qytetarët nën hetim dhe, nëse është një lloj njeriu i caktuar, prokurori mund të merret me deklarata publike apo me insinuata të hapura ose të fshehura. Por ai mundet të ndjekë edhe një mënyrë më të hollë dhe thjesht të marrë në pyetje miqtë e një qytetari. Prokurori mund të urdhërojë arrestime, t’i paraqesë çështjet përpara një trupe pas dyerve të mbyllura dhe, mbi faktet e tij të njëanshme, të ngrejë akuzë duke i imponuar qytetarit uljen në gjyq.
Po ai mundet edhe të tërhiqet pa shkuar në gjyq fare, duke ia hequr mbrojtjes çdo mundësi për t’u dëgjuar. Ose mund të vazhdojë me një gjyq publik. Dhe nëse jepet një dënim, prokurori ka ende mundësi të ngrejë pretendime për masën e dënimit, njësoj si avokati i mbrojtjes.
Ndërkohë që prokurori, në rastin më të mirë, është një nga forcat më të dobishme për shoqërinë tonë, kur ai nxitet nga ligësia apo të tjera motive të ulëta, bëhet një nga forcat më të këqia. Fuqitë që ai ka, i janë dhënë sepse prej tij pritet të jetë i pandikueshëm, pra absolutisht i paanshëm dhe kurrësesi i shtyrë nga përfitime personale, ambicie politike apo presione publike. Detyrimi i tij i vetëm profesional është “që faji të mos ia hedhë dhe pafajësia të mos vuajë”.
Por, ndryshe nga gjyqtarët, prokurori nuk është natyrshmërisht i pandikueshëm. Ai emërohet ose shpesh zgjidhet, dhe i vjen t’i tregojë publikut zellin e tij. Për të bërë karrierë, ai rend pas një bilanci dënimesh. Lejomëni ta them edhe një herë: prokurorit i është besuar një fuqi e jashtëzakonshme dhe i kërkohet një karakter i pashoq.
Asgjë më të mirë nuk mund të bëjë një sistem ligjzbatues sesa të shmangë cfilitjet e panevojshme dhe ndjekjet e pajustifikueshme penale. Nëse një prokuror këmbëngul tek dënimi në një çështje që nuk duhet ndjekur fare penalisht, ose e gjykon një çështje në një mënyrë që nuk është e drejtë, dëmi që ai bën është i pallogaritshëm.
Kur fuqia e prokurorit bie në duart e një njeriu jo të mirë, prokurori bëhet njeriu më i rrezikshëm i një vendi.
Një nga rreziqet më të mëdha të abuzimit buron nga fuqia e prokurorit për të zgjedhur se kë ndjek penalisht. Të gjithë e kemi dëgjuar thënien e mençur se librat e ligjit janë aq të mëdhenj sa një prokuror mund ta gjejë një shkelje të çfarëdoshme ligjore për t’ia hipur në kurriz pothuajse kujtdo.
Është pikërisht këtu - tek zgjedhja e çështjeve - ku nxitet edhe tundimi më i madh. Prokurori mund të zgjedhë dikë që nuk i pëlqen ose dikë që dëshiron ta turpërojë, ose një grup njerëzish të papëlqyer nga publiku dhe t’u qepet për t’i gjetur në shkelje. Dhe pikërisht në këtë çast zbatimi i ligjit bëhet personal, dhe krimi i vërtetë bëhet fakti i të qenit i papëlqyer nga prokurori i gabuar.
Një prokuror i mirë mund t’i mbrojë njerëzit tanë nga krimi; një i keq mund t’i terrorizojë ata.
Zbatimi i ligjit nuk është automatik; është human. E përderisa është human, duhet vetëpërmbajtje e madhe. Fuqia më e rrezikshme e prokurorit është kur ai i zgjedh ata që mendon se duhen goditur, në vend që të zgjedhë çështjet që meritojnë të ndiqen. Me librat e ligjit plot me lloj-lloj parashikimesh për krimet, një prokuror ka shansin ta gjejë të paktën një shkelje teknike tek pothuajse çdo njeri.
Në një rast të tillë, çështja nuk është më të zbulosh kryerjen e një krimi dhe të kërkosh njeriun që e ka kryer; çështja bëhet të zgjedhësh njeriun që do të fajësosh dhe pastaj të kërkosh në librat e ligjit, e të vësh hetuesit në punë, për t’i hipur atij në kurriz një shkelje.
Tamam këtu qëndron edhe rreziku më i madh, rreziku që një post publik të përdoret për të poshtëruar, torturuar apo ndëshkuar një qytetar, jo pse është fajtor, por sepse është i papëlqyer apo i padëshiruar.
Cilësitë e një prokurori të mirë janë po aq të vështira për t’u bërë bashkë sa ato të një gjykatësi të mirë. Ato janë:
Ndershmëria. Integriteti profesional. Paanshmëria. Guximi dhe vendosmëria.
Por mbi të gjitha, ai duhet të kujtojë se misioni i tij kryesor nuk është të fitojë çështje, por të bëjë drejtësi.
Po pra. Nese relatori sander beci qe mori dosjen ne gjykaten kushtetuese, do sillet si Robert H. Jackson dhe do te kuptoje absurditetin e kerkeses se paraqitur kunder masave shtrenguese te B. Ballukut se ajo po akuzohet e hetohet si ministre dhr zv. kryeministre, e jo si deputete. Ajo nuk po e ushtron detyren e deputetit dhr as nuk po jep deklarata politike ose po ushtron voten si deputete, per te cilat nuk mban pergjegjesi. Autorizimi nga Kuvendi merret per arrest me burg, duke qene se duhet te jete ne proporcion me veprimet, por krimi eshte krim sikunder korrupsioni. Ne nje vend te Bashkimit Europian, doreheqja eshte e lidhur me integritetin e te akuzuarit. Le te provoje zonja qe nuk ka bere asnje shkelje dhe ska nevoje per la pompozitet dhe nderhyrje ne punet e drejtesise, sikunder me zdromsin e bashkise.
Zoti Rama te shkoje te Ligji i Lek Dugagjinit se hajdudi denohet dhe nga Populli
Po mor Ali Baba, po si i behet qe te gjithe duhet te jene te barabarte para ligjit ? Ti je duke vazhduar rrugen qe ka hapur Saliu per te mos u paraqitur par organeve te drejtesise. Pa le pa na mbahesh se drejtesine e re e paske bere ti. Rame te kane shkare shollet. Hahaha.
Theniet e ketij prokurori amerikan kane vlere vetem per vendet e perparuara. Ne kushtet kur Shqiperia eshte 2000 vjet larg ketyre vendeve dhe kur ketu eshte bere baterdia nga te gjjthe hajdutet majtas dhe djathtas me vjedhje e korrupsion galopant, me dijenine dhe miratimin e liderve te tyre. Rama duhet te heshtë e mos te na beje moral kot.
"Kur fuqia e prokurorit bie në duart e një njeriu jo të mirë, prokurori bëhet njeriu më i rrezikshëm i një vëndi" (Edi Rama). Z.Kryeministër! Prokurori që ka dhënë masën e sigurisë për miken tënde Balluku, të duket njeri jo i mirë dhe i rrezikshëm për vëndin? Për çfarë bën fjalë, për vetgjyqësi? Apo flet ashtu në përgjithësi? Për leksione dhe esse ka nevojë populli? Një të pashkollë e more në bashki dhe kur tu dha mundësia e ngrite aq pranë, sa sot kafenetë e Tiranës gumëzhijnë: bashkë kanë abuzuar në bashki, bashkë kanë abuzuar në qeveri, bashkë të bien. Kur korrupsioni arrin në nivelet e larta të qeverisjes ,mafia është në zyrë, si konsulente,këshilltare, bashkëvendimarrëse dhe bashkëpërfituese. Si ju duk shteti shqiptar Z.Rama, një kamardare që i fut një të çpuar dhe e hedh tutje në rrugë?
Po. More. Rame. Ku te. Intereson. Ty. Gjene.fjalime. ku. Nuk. Te intereson. O. Anash. Kalone. Po. Drejtedia. Nul. Te. Intereson