FLASH
Shkruar nga Pamfleti
Në një deklaratë të përbashkët për shtyp me homologun hungarez, Viktor Orban, nga Budapesti, kryeministri Edi Rama deklaroi se është optimist për të ardhmen evropiane të Shqipërisë.
Rama u shpreh i sigurt se vendi ynë është gati të anëtarësohet në BE brenda vitit 2030. Ai theksoi gjithashtu se në këtë fazë ku ndodhet Shqipëria nuk do të ishte e mundur në kushte normale, por pushtimi i Putinit, sipas Ramës, zgjoi BE-në.
“Ka qenë ditë vërtet shumë e veçantë. Ky është një kryeqytet mjaft i bukur, kemi pasur edhe shansin për të jetuar bashkëbisedime me kryeministrin. Ka qenë shumë speciale ta shohësh edhe të gjithë Evropën të mblidhet në këtë vend. Do të jetë një privilegj mjaft i madh për të punuar si ekip, për ta bërë takimin e ardhshëm të suksesshëm në Tiranë. Më duhet t’ju them që deri shumë vite më parë, ky bashkëbisedim me BE ishte i paimagjinueshëm. Putin zgjoi fort BE, por më duhet të them, se në këtë forum, së bashku me atë që po ndodh edhe me KE, planin e rri të rritjes, është diçka shumë inkurajues. Ka një energji të veçantë dhe ka një gjë të veçantë. Ky është një vend ku ka shkëmbim më të lirë opinionesh, një ndjenjë shumë të prekshme lirie.
Dua të them se ne besojmë dhe falënderuam bashkërisht Emannuel Macron, sepse besojmë se ideja e tij për të nxitur organizmin e një formati të tillë, është diçka që ishte destinuar të ishte e dobishme. Ishte e qartë që na duhet të punojmë së bashku, me këtë ekip për të propozuar strukturë tjetër homologe të mendimit strategjik, për të bërë edhe punën me të lidhur mes dy forumeve. Unë jam tragjikisht optimist për të ardhmen, për të ardhmen e Shqipërisë, vendi i së cilës është në Evropë”, theksoi Rama.
Lini një Përgjigje