FLASH
Shkruar nga Pamfleti
Ish kryeministri Sali Berisha ka paralajmëruar një protestë para SPAK, teksa ditën e nesërme do të shqyrohet nga Këshilli i Mandateve kërkesa e Porokurisë së Posaçme për arrestimin e tij.
Ish-kryeministri bëri thirrje militantëve për një protest para SPAK-ut, duke theksuar se institucioni funksionon si në diktaturë.
“Zgjidhja vjen nga një protestë para institucionit që funksionon si në diktaturë. Unë do e drejtoj drejt fitores këtë opozitë. Edhe ne do e thërrasim. Për dijeni në botë protestohet para organeve të drejtësisë. Thirren të protestojnë në mbrojtje të interesit publik. Protesta është e vonuar. Është koha të veprojmë.
Slogani është se sot ne jemi pas opozitës ruse bjelloruse, Mianmarit dhe Iranit opozita e pestë në botë e arrestuar dhe kjo është një përpjekje e hapur për shkatërrimin e opozitës, si çdo përpjekje tjetër do të dështojë edhe kjo, sot të paktën ka opozitë, se ka u morën këto masa, beteja me idealet është shumë e vështirë. Intenerarin nuk e caktoj unë. Ne ecim me një program diskret, në kohën e duhur do ta merrni vesh, nëse xhelatë të ligjit dhe të së drejtës mendojnë se mund të taposin afera të certifikuara 130 milionë euro të zhdukura, apo ai tjetri e çojnë për hetim, konflikt interesi, ata e meritojnë të trajtohen si armiq të ligjit dhe të së drejtës.”– tha Berisha.
Ndërkohë po sot, kreu i SPAK Altin Dumani është shprehur se nuk e shqetësojnë sulmet nga Sali Berisha.
Dumani në një dalje publike theksoi;
“Retorika politike apo presioni mediatik tek unë si drejtues nuk ka asnjë lloj ndikimi. Jam imun nga retorika politike e përditshme dhe reagimet mediatike. Këtë përpiqem të përcjell te trupa e prokurëve të SPAK-ut”, u shpreh Dumani.
Këto deklarata vijnë dy ditë pasi Këshilli i Mandateve vendosi “pro” kërkesës së SPAK-ut për heqjen e imunitetit të Sali Berishës.
Kërkesa e SPAK u aprovua me 5 votat "pro" të mazhorancës, të cilave iu shtua edhe aprovimi i Enkelejd Alibeajt në emër të Partisë Demokratike.
Kështu, Këshilli i Mandateve vendosi me një votim unanim për zhveshjen e Sali Berishës nga imuniteti që i siguron mandati i deputetit, për t'u vënë në dispozicion të drejtësisë.
Kujtojmë se ditën e djeshme ish kryedemokrati Sali Berisha i cili është nën hetim nga Struktura e Posaçme për aferën e ish-klubit “Partizani”, deklaroi se PD do ngrejë padi penale ndaj prokurorëve të SPAK, të cilët i cilëson si njerëz “në shërbim të partisë”.
Lini një Përgjigje