Kreu i Partisë Demokratike, Sali Berisha, në një deklaratë për mediat pas takimit me Christian Forneck, këshilltar për politikën e jashtme dhe të sigurisë pranë grupit parlamentar CDU/CSU në Bundestagun Gjerman, u ndal te operacionet e ndërmarra për goditjen e call center-ave në Tiranë.
Ai theksoi se është shqetësuese që Shqipëria është një vend nga ku mashtrohen pensionistët europianë, ndërkohë që Bashkimi Europian ka mbështetur financiarisht vendin ndër vite.
Kreu i PD ndër të tjera theksoi se call center-at, patronazhohen nga qeveria.
“Çdo javë një vend europian vjen për të arrestuar kriminelë në call center. Sepse të gjithë CC janë në patronazh nga shteti, Olsi Rama, Armand Josifi që i drejton nga Dubai etj. Po e shndërrojnë Shqipërinë në një gropë të zezë të turpshme të vjedhjes së pensionistëve të atyre vendeve që i kanë dhënë miliarda Shqipërisë”, tha ai.
Lini një Përgjigje