FLASH
Shkruar nga Pamfleti
Foltorja duket se ka vendosur të hajë turpin me bukë. Deri dje për ta Gazmet Bardhi ishte armik dhe çfarë nuk kanë thënë për të. Por besnikët e Berishës kanë kërkuar që t’i hedhin pas shpine ato që kanë ndodhur më parë.
Deputeti i PD-së Tritan Shehu tha se në politikë ka ndarje e bashkime dhe kjo është normale. Sa i përket qëndrimit të Berishës, ai deklaroi se ai është një politikan i regjur, me eksperiencë të madhe dhe e kupton qartësisht që procesi i bashkimit është i domosdoshëm në situatën që jemi.
“Mendoj që është krejtësisht normale ideja e bashkimit, jo vetëm e moralshme dhe e domosdoshme për opozitën shqiptare, ideja e bashkimit. Në politikë ka ndarje, divorce, por ka dhe ribashkime. Është një fenomen normal të të gjithë politikën botërore. Ka momente, çaste, është reflektimi që të bën të bashkohesh me kolegët. E dëmshme dhe deri diku e pajustifikueshme ishte ndarja dhe ato momente të vështira që u krijuan në grupin parlamentar. Tani po shkojmë drejt një kohezioni.
Ku mund ta gjejë dikush të pamoralshme në një proces bashkimi politik. Është A-ja e politikës.
Ne prej kohësh kemi kërkuar të qëndrojmë së bashku për betejën opozitare. Kemi biseduar së bashku për nevojën e një afrimi midis nesh. Disa herë kam thënë të ulemi për të negociuar, për të debatuar mes nesh për të qenë në sinkron me njeri-tjetrin”, deklaroi Shehu.
Lini një Përgjigje