FLASH
Shkruar nga Pamfleti
Deputeti socialist Erion Braçe ka denoncuar ndotjen masive me plehra në një zonë të Tiranës.
Me një video të publikuar në rrjetet sociale nga Selita, Braçe denoncon hedhjen e plehrave apo mbetjeve inerte, pranë Qendrës Shëndetësore, Postës e Kopshtit nr.4.
I indinjuar, duke raportuar papërgjegjshmërinë e qytetarëve, teksa tregon pamjet nga vendi ku janë grumbulluar mbetje, ai shprehet se “në Tiranë po nuk u çmende është fat”.
“Në mes të Selitës, papërgjegjshmëri e Bashkisë që insiston të mbajË koshat e plehrave në derë të Qendrës Shëndetësore, Postës e Kopshtit 4.
Papërgjegjshmëri e njerëzve që vijnë e hedhin mbetjet inerte të punimeve në shtëpitë e tyre këtu!
Në këtë qytet është e kotë të shqetësohesh, angazhohesh, flasësh sepse gjithkush me shumë pushtet-për të vendosur për koshat, me pak pushtet-për të hedhur mbetjet e veta, nuuuuuuuuk dëgjon”, shkruan Braçe në rrjetet sociale.
Lini një Përgjigje