FLASH
Shkruar nga Pamfleti
Çështja “Xibraka” ka rikthyer sërish përplasjet mes kryeministrit Edi Rama dhe kreut të grupit të PD Gazment Bardhi.
Bardhi pretendon se ka ngritur padi ndaj Olsi Ramës duke e akuzuar si të përfshirë në ngjarjen e laboratorit të drogës, ndërsa kreu i qeverisë e mohon.
Në një reagim tjetër në X, Gazment Bardhi i ka dërguar 'selam' kryeministrit Rama me një përgjigje nga kreu i SPAK, Altin Dumani për dosjen "Xibraka".
‘Vëllai i Olsit vazhdon me gënjeshtrat ditore, duke u përhumbur në nocione juridike që as i kupton dhe as nuk mund ti kuptojë. Po more budalla po kallëzim kam bërë! Lexo përgjigjen e drejtuesit të prokurorisë së Posaçme z. Altin Dumani!
Unë nuk do bëjë kallëzimin në formën që don ti dhe yt vëlla, me qëllim rivarrosjen e çështjes që ekziston nga Prokuroria e Hanoverit.
Unë kam bërë kallëzim siç e kërkon ligji në këtë fazë ku ndodhet çështja penale, dhe që ka sjellë ekzaktësisht atë që unë kam kërkuar: “Rihapjen e dosjes penale 335/1-2016 që prokurori yt personal e kishte varrosur në 2018”.
Tani çështja mban nr. 88-2024, që do të shënjojë gjatë gjithë jetës dhe duhet ta mbash mend mirë! Deri atëherë, ndrysho strategji, të fala Olsit dhe kujdes narkoautomjetin me targa AA 653 DM!’, shkruan Bardhi.
1/4. Vëllai i Olsit vazhdon me gënjeshtrat ditore, duke u përhumbur në nocione juridike që as i kupton dhe as nuk mund ti kuptojë. Po more budalla po kallëzim kam bërë! Lexo përgjigjen e drejtuesit të prokurorisë së Posaçme z. Altin Dumani! pic.twitter.com/83mQRd9I9Z
— Gazment Bardhi (@GazmentBardhi) June 28, 2024
Ndërkohë pas thirrjes në SPAK të Olsi Ramës, kreu i grupit të PD-së, Gazment Bardhi tha se vëllai i kryeministrit nuk bëri gjë tjetër veçse mashtroi.
Sipas Bardhit, me deklaratat që Olsi Rama bëri në derën e SPAK, konfirmoi denoncimet e tij, se ka udhëtuar me makinën e trafikantëve të drogës, dhe jo një herë, por 7 herë.
Një mesazh e pati edhe për SPAK, duke thënë se ka ardhur momenti për të treguar se në Shqipëri nuk ka persona të paprekshëm!
Lini një Përgjigje