FLASH
Shkruar nga Pamfleti
Presidentja e Kosovës, Vjosa Osmani, dhe kryeministri i Shqipërisë, Edi Rama, kanë reaguar në rrjetet sociale lidhur me pjesëmarrjen e tyre në 'Bordin e Paqes'.
Osmani publikoi disa fotografi nga takimi, duke shkruar: “Bashkë me Amerikën dhe aleatë të tjerë, për paqen, për sigurinë, për të ardhmen!”.
Në reagimin e saj nuk u dhanë detaje lidhur me temat e diskutuara apo vendimet e marra gjatë mbledhjes.
Nga ana tjetër, kryeministri Rama ndau një album fotografik nga qëndrimi i tij në Uashington, të cilin e cilësoi si “një ditë krenarie për Shqipërinë”.
“Fotoalbumi i një dite krenarie për Shqipërinë në Uashington”, shkroi ai krahas imazheve të publikuara. Edhe në këtë rast, nuk u ofruan informacione të detajuara mbi takimet apo rezultatet konkrete të vizitës.
Të dy reagimet theksojnë marrëdhëniet me SHBA-në dhe partnerët ndërkombëtarë, duke vënë në pah mesazhe për paqe, siguri dhe bashkëpunim, ndërsa detajet zyrtare mbi përmbajtjen e aktiviteteve mbeten të kufizuara.
Lini një Përgjigje