FLASH
Shkruar nga Pamfleti
Lulzim Basha ka paralajmëruar se do të dërgojë në Kushtetuese marrëveshjen për emigrantët. Ai ka dhënë një intervistë për “Huffington Post Italia”, ku kritikon qeverinë për paktin që arriti me Giorgia Melonin.
-Në Itali opozita ankohet se është mbajtur në errësirë për protokollin për emigrantët. Jeni konsultuar nga qeveria e Edi Ramës?
Jo, fatkeqësisht si qytetarët shqiptarë ashtu edhe partitë politike mësuan gjithçka nga media. Një sjellje e dënueshme që nuk synon të krijojë konsensus përmes konsultimit, por të imponojë një vendim të marrë në mënyrë të njëanshme. Në këndvështrimin tonë, është një zgjedhje që rrezikon të krijojë polarizim dhe një klimë negative opinioni mes dy vendeve dhe dy popujve që kanë një vëllazëri historike.
-Në Itali, qeveria dëshiron të shmangë votën e Parlamentit për protokollin. Çfarë do të ndodhë në Shqipëri?
Ne si Parti Demokratike kemi kërkuar një interpelancë parlamentare urgjente me kryeministrin, për të zbardhur këtë rrufe në qiell para Dhomës dhe qytetarëve shqiptarë. Nga informacionet që disponojmë, kjo marrëveshje sipas mendimit tonë është në kundërshtim me Kushtetutën, ndaj nuk do të ndalemi në interpelancë për të krijuar transparencë për këtë çështje, por jemi të vendosur që çështjen e legjitimitetit të kësaj marrëveshje t'ia referojmë Gjykata Kushtetuese. Nuk mund të lejojmë që një vendim personal të cenojë interesin kombëtar, qytetarët shqiptarë nuk mund të trajtohen si spektatorë.
-Cili është mendimi juaj për atë dokument? E keni kuptuar se si do të funksionojë transferimi i emigrantëve? Cilat janë aspektet më kritike?
Së pari, kjo marrëveshje shkel Kushtetutën e Shqipërisë, nuk është në përputhje me Konventën Evropiane për të Drejtat e Njeriut dhe institucionet përgjegjëse duhet të mbajnë përgjegjësi. Së dyti, kjo mund të kthehet në një rrezik potencial për stabilitetin dhe sigurinë jo vetëm të Shqipërisë. Krimi i organizuar dhe korrupsioni janë të përhapura në Shqipëri por edhe në rajonin e Ballkanit. Ka argumente se këta persona mund të mbahen në izolim, por a është kjo e realizueshme dhe e ligjshme? Pra, ka shumë çështje që kërkojnë transparencë dhe përputhshmëri me legjislacionin kombëtar dhe ndërkombëtar.
-Keni frikë se Shqipëria dhe në veçanti zona e prekur nga dy strukturat mund të bëhet Lampedusa shqiptare? A mund ta eksportojë Italia krizën e migracionit në Tokën e Shqiponjave?
Rreziqet ekzistojnë. Por ajo që është më shqetësuese për një vend si Shqipëria është siguria. Trafikimi i qenieve njerëzore është një problem që ne ndajmë me vendet e rajonit të Ballkanit. Krimi i organizuar ndërkufitar përfaqëson një rrezik që mund të bëhet eksponencial nëse krahas rrugës ekzistuese shtohen persona që duan të sillen në Shqipëri kundër dëshirës së tyre dhe që përpiqen të arratisen sa më shpejt. Në këtë mënyrë, këto do të bëhen lëndë e parë për trafikantët e drogës dhe njerëzve. Duke vënë në rrezik stabilitetin tashmë të pasigurt të rajonit. Sigurisht që na vjen keq për atë që po ndodh në Lampeduza. Ne besojmë se kjo nuk mund të përkufizohet si një krizë italiane, por është një krizë që përfshin të gjitha vendet e Mesdheut dhe të Bashkimit Evropian dhe inkurajojmë një zgjidhje që arrin këto nivele vendimmarrëse.
Lini një Përgjigje