FLASH
Shkruar nga Pamfleti
Lulzim Basha duket se do ta nisë punën në krye të PD me reformim të të gjitha strukturave. Pasi mori dje drejtimin e partisë, Basha sot ka nisur me mbledhjet për të përcaktuar hapat që do të ndërmerren. Takimin e parë ai e bëri me degët. Pak më parë Basha mblodhi Kolegjin e Kryetarëve dhe siç shihet nga fotot, në takim shoqërohet nga Enkelejd Alibeaj.
Mësohet se gjatë mbledhjes së sotme, Basha e ka nisur fjalimin e tij me një falënderim për punën e bërë për zgjedhjet e djeshme.
“Falënderim për punën e bërë gjatë ditës së djeshme”, mësohet se i është drejtuar Basha të pranishmëve.
Pas Kolegjit të Kryetarëve, Basha ka mbledhur Kryesinë e partisë, ku dhe priten vendime të rëndësishme. Bashës i kanë dalë kundër shumë emra, mes të cilëve dhe Gazmet Bardhi, me të cilin dikur bashkëpunoi ngushtë.
Mësohet se Kryesia do të vendose thirrjen e Kuvendit Kombëtar dhe të nisë procesin zgjedhor për të gjitha strukturat e Partisë Demokratike, duke nisur nga një Këshill i ri Kombëtar, tek zgjedhja e nënkryetarëve dhe Sekretarit te Përgjithshëm.
Me pak fjalë pritet shkarkimi i Bardhit. Po ashtu do riformatohet Këshilli Kombëtar, duke qenë se një numër i madh anëtarësh kanë kaluar me Berishën.
Duhet theksuar se Kryesia anon nga Basha, duke bërë që të merren vendime të rëndësishme. Kjo do të thotë se ata që i kanë dalë kundër me shumë mundësi pritet të largohen nga postet që kanë.
Lini një Përgjigje