FLASH
Shkruar nga Pamfleti
Ish-kryeministri Sali Berisha, edhe një herë ka folur për krijimin e një qeverie teknike, përpara tubuesve të cilët mblidhen çdo ditë poshtë banesës së tij.
Berisha u shpreh se nuk ka forcë në botë që të parandalojë krijimin e qeverisë teknike, ndërsa thekoi se shqiptarët me çdo çmim duhet të votojnë të lirë si qytetarët e tjerë.
Ish-kryeministri tha se vetëm vota e lirë mund të ndalë potencialin shkatërrues të Edi Ramës.
“Edi Rama me potencialin e tij shkatërrimtar mbi vendin, mbi ligjet, mbi shtetin, nuk di të ndalet kurrë.
Gjithçka është në dorën tonë.
Gjithçka varet nga ne, nga beteja jonë pa kthim, nga betimi ynë për të marrë në duar fatin tonë.
Nga betimi ynë për të marrë në dorë fatin e Shqipërisë.
Nga betimi ynë për të ecur drejt qeverisë teknike.
Nga betimi ynë për të mos ushqyer asnjë iluzion se me Edi Ramën zgjedhje nuk ka.
Se shqiptarët me çdo çmim, me çdo kusht duhet të votojnë të lirë si qytetarët e tjerë.
Edhe njëherë, ju përshëndes, ju falënderoj me mirënjohje dhe shpreh besimin tim më të madh se po ecim të sigurt drejt fitores që meritojmë, se nuk ka forcë në botë që të na parandalojë krijimin e qeverisë teknike, zgjedhjet e lira dhe të ndershme për Shqipërinë dhe shqiptarët”, ka thënë Berisha nga dritarja e banesës së tij.
Lini një Përgjigje