FLASH
Shkruar nga Pamfleti
Andia Ulliri humbi edhe në KAS betejën e saj për të qëndruar në Kuvendin e Shqipërisë edhe për katër vitet e ardhshme.
Kandidatja Andia Ulliri ka kërkuar të zbatohet kuotën gjinore dhe t’i jepet asaj mandati i deputetes që e ka fituar ish-prokurori Arjan Ndoja.
Ulliri u përfaqësua në këtë mbledhje nga mbrojtësi i saj ligjor Indrit Sefa, i cili deklaroi se duhet të respektohet Kodi Elektoral për kuotat gjinore, pasi vihet re se në listat e mbyllura, jo vetëm në Durrës por edhe qarqe të tjera, nuk është respektuar.
Në mbledhjen e kaluar të KQZ-së, kryekomisioneri Celibashi i rrëzoi pretendimet e kandidates dhe mandatin ia dha Arjan Ndojës, teksa miratoi shpërndarjen e mandateve për qarkun Durrës.
“Kodi thotë që kandidatët rirenditen vetëm ata të listës me votim parapëlqyes, kur nëse dy të parët janë burra, i treti është grua. Ose kur dy të parët që kanë marrë vota parapëlqyese janë gra, i treti është burrë. E ka të qartë ligji këtë. Kandidatët e listës shumë-emërore që i nënshtrohet votimit parapëlqyes, rirenditen në bazë të numrit më të lartë të votave parapëlqyese“, shpjeguan përfaqësuesit e KQZ-së, ndërsa KAS, pasi shqyrtoi çështjen, la në fuqi KQZ-së.
Lini një Përgjigje