Salianji dhe Alimehmeti nisin nga Durrësi lëvizjen brenda PD-së: Koha që demokratët të dëgjohen!

Ish-deputeti i Partisë Demokratike, Ervin Salianji ka folur pas përfundimit të takimit në qytetin e Durrësit.

Salianji u shpreh se procesi i ripërtëritjes së PD-së duhet përshpejtuar, gjë që sipas tij, e tregoi edhe pjesëmarrja qytetare në takimin e zhvilluar ditën e sotme.

Ai theksoi se ka bërë burg për Partinë Demokratike dhe se do të jetë gjithmonë në krah të çdo demokrati e qytetari.

“Ajo që unë kam thënë se duhet përshpejtuar procesi i ripërtëritjes së PD-së, besoj se u tregua në një sallë që ishte e tejmbushur dhe që kishte njerëz pafundësisht jashtë. Ky është një zgjim për PD-në.

Shumë prej figurave të rëndësishme nuk janë kontaktuar në 7 muajt e fundit dhe unë falenderoj çdo demokrat që ishte këtu, gjithë strukturën e lartë të PD-së të zgjedhur me votë për degën Durrës që ishte këtu.

U kërkua nga miq që të bënim takimin këtu dhe ne ishim të pranishëm. Unë jam përherë në krah të qytetarëve dhe demokratëve. Unë kam bërë burg për PD-në. Shumë prej nesh këtu kanë sakrifikuar vendet e punës dhe financat, si dhe kanë mbajtur mbi supe represionin”, tha Salianji për “A2 CNN”.

“Demokratë bashkohuni me ne”, iu drejtua Ervin Salianji nga Foltorja e Durrësit , mbështetësve të Partisë Demokratike, gjatë fjalës së mbajtur në takimin e parë me bazën e partisë.

Salianji tha se vetëm në këtë mënyrë PD do të arrijë të mundë Edi Ramën. Ai tha se demokratët kanë sakrifikuar shumë për Partinë Demokratike, ndërsa solli në vëmendje edhe burgun që ai bëri për këtë parti.

“Unë kam sakrifikuar vetë, kam bërë burgun për Partinë Demokratike”, tha ai, duke shtuar se demokratët janë të lodhur. Në vijim ai theksoi se shqiptarët duan një PD të hapur, ndërsa shtoi se tashmë ka ardhur ora e vendimeve dhe përgjegjësive të mëdha.

“Ky është një moment i rëndësishëm ku çdo fjalë ka peshë dhe çdo diskutim krijon një valë për PD.

Keni dhënë kontribut për PD-në, duke u përballur me një autokraci që kontrollon gjithçka dhe në këmbin nuk keni kërkuar asgjë përveç vëmendjes mungesës.

Sot jemi këtu sepse demokratët janë duke thirrur. Shqipëria është duke thirrur. Dhe thirrjet e tyre as nuk duhet zbukuruar dhe as nuk duhet relativizur.

Këto thirrje janë dhimbje që duhet të rëndojnë në peshën e përgjegjësi të çdo politikani në PD i votuar apo i pa votuar.

Personalisht e kam ndjerë këtë thirrje dhe besoj se përgjigja jonë duhet të jetë e qartë.

PD duhet të përgatitet që të udhëheqë ndryshimin që të gjithë po presin.

Dhe ky ndryshim po fillon nga kjo sallë që po fillon. Nga kjo energji që është e pashtershme, por nuk i jepet mundësia për arsye që gjithsecili prej jush i di”, tha Salianji.

Takimi i parë i turit të Ervin Salianjit dhe Ilir Alimehmeti, nisi sot në Durrës me pjesëmarrjen e strukturave të qarkut. Mbledhja solli reagime të drejtpërdrejta nga baza, e cila kërkon orientim të qartë pas humbjes së zgjedhjeve të 11 majit.

Kandidati më i votuar nga lista e hapur, Ndrec Pjetri, deklaroi se demokratët në Durrës prej muajsh ndodhen pa drejtim. Ai tha se pas 11 majit strukturat janë shpërndarë dhe nuk marrin asnjë sinjal nga qendra. “Jemi bërë si zogjtë e korbit, as ku jemi, as ku do shkojmë. Ka nisur një protestë në Tiranë, nuk dëgjohet asnjë organizim. Duhet të ngrejmë zërin. Luksin për luftë të brendshme nuk e kemi. Ky rrugëtim nuk bëhet për interes personal. Nëse dikush e përdor për interes personal, unë jam i pari që iki”, u shpreh Pjetri.

Ish kreu i FRPD, Artion Bajramaj, foli për procesin e primareve, të cilin e quajti të domosdoshëm, por të sabotuar. Ai kritikoi mënyrën si u menaxhua gara dhe ndërhyrjet pas shpalljes së fituesve. “Primaret i elektrizuan njerëzit. Rregullat vendosen përpara, nuk mund të vendosen mbrapa. Nuk mund të futemi të gjithë në garë, të fitojë dikush, dhe pastaj dikujt lart të mos i pëlqejë fituesi. Patëm probleme me listat e mbyllura. Patëm probleme me rolin e deputetëve”, tha Bajramaj.

Takimi në Durrës synon të ringrejë komunikimin me bazën dhe të qartësojë hapat politikë të PD. Turi i Salianjit dhe Alimehmetit pritet të vijojë në qarqe të tjera me reagime të ngjashme, ndërsa demokratët kërkojnë rregulla të qarta dhe shmangien e krizave të brendshme që i penalizojnë në çdo palë zgjedhje.

“Sot Shqipëria nuk po qeveriset, por po plaçkitet”. Kështu iu drejtua Ervin Salianji demokratëve që kishin mbushur sallën në “Foltoren” e Durrësit, e para kjo e një turi takimesh që ai ka paralajmëruar se do të mbajë në të gjithë Shqipërinë.

Anëtari i Kryesisë së PD në fjalimin e tij bëri një gërshetim mes akuzave ndaj Edi Ramës dhe kritikave për funksionimin dhe sjelljen e opozitës.

Salianji foli për lidhjet e Qeverisë me krimin, duke e cilësuar Durrësin si një prej qyteteve ku kjo ëhstë evidente, ndërsa theksoi se Porti i Durrësit është kthyer në han pa porta.

“Kemi një qeveri që nuk ka asnjë ndjeshmëri për qytetarët, por miliardat shkojnë te njerëzit e Edi Ramës”, tha ai.

Ai tha se ky është një moment i rëndësishwm ku çdo fjalë ka peshë dhe çdo diskutim krijon një valë për PD.

"Keni dhënë kontribut për PD-në, duke u përballur me një autokraci që kontrollon gjithçka dhe në këmbin nuk keni kërkuar asgjë përveç vëmendjes mungesës.

Sot jemi këtu sepse demokratët janë duke thirrur. Shqipëria është duke thirrur. Dhe thirrjet e tyre as nuk duhet zbukuruar dhe as nuk duhet relativizur.

Këto thirrje janë dhimbje që duhet të rëndojnë në peshën e përgjegjësi të çdo politikani në PD i votuar apo i pa votuar.

Personalisht e kam ndjerë këtë thirrje dhe besoj se përgjigja jonë duhet të jetë e qartë.

PD duhet të përgatitet që të udhëheqë ndryshimin që të gjithë po presin.

Dhe ky ndryshim po fillon nga kjo sallë që po fillon. Nga kjo energji që është e pashtershme, por nuk i jepet mundësia për arsye që gjithsecili prej jush i di”, tha Salianji.

Sipas tij, demokratët janë të shqetësuar, por askush nuk do të na e falë nëse ne nuk i përgjigjemi në kohë shqetësimeve të tyre.

“Edi Rama përdor mjete të ndyra politike, e ka bërë politikën të papërgjegjshme. Por duhet ta themi hapur, një tjetër shkak është paaftësia e PD për të qenë bindëse, për t’i nxjerrë shqiptarët në kutitë e votimit”, tha Salianji.

Ai tha se zgjedhjet e fundit të pjesshme vendore treguan se Edi Rama, megjithë presionet nuk arriti të nxjerrë më shumë se 15 mijë votues, por akoma më keq ishte për PD-në, e cila nuk arriti të nxjerrë më shumë se 2500 apo 3 mijë votues.

“Ministrat dhe zyrtarë po përballen me drejtësinë, por nuk lëshojnë postet. Por sërish PD nuk po rritet, nuk po arrin të ngrejë shqiptarët në revoltë. Ndaj sot është koha për të folur”, tha Salianji.

Ai tha se PD duhet të dëgjojë demokratët, pasi në të kundërt do të bëjë një gabim të rëndë.

“PD është një vokacion, një pasuri kombëtare, një fuqi e jashtëzakonshme, e cila duhet të hapet dhe ripërtërihet. Freskia sjellë shpresë”, tha ai.

Ilir Alimehmeti, anëtar i Këshillit Kombëtar të PD-së dhe një prej emrave më të votuar të listës së hapur të kandidatëve për deputet në zgjedhjet e 11 majit, iu bashkua “Foltores” që u mbajt në Durrës dhe u  inicua nga anëtari i Kryesisë, Ervin Salianji.

Në fillim të mesazhit të tij, Alimehmeti tha se demokratët janë të fortë, pasi edhe pse kanë 12 vjet në opozitë, kanë entuziazëm.

"Sa më shpejt ta heqim këtë qeveri dhe këtë e bën vetëm e djathta që vë interesin e shqipërisë para partisë", tha ai.

Alimehmeti tha se kjo është një frymë për të bashkuar demokratët, për të krijuar një PD sa më të fortë.

“Ju e kuptuat se kjo është një frymë për të bashkuar të gjithë për ti diskutuar dhe për të bërë më të mirën e mundshme.

Ne duhet të kuptojmë se si duhet të përmirësohemi, duhet të kuptojmë se këtu nuk kemi vetëm korrupsion financiar nga Qeveria e Edi Ramës, por kemi edhe korrupsion moral”, tha Alimehmeti, i cili u shpreh se PD është një parti e lirë dhe ne duhet t’i themi mendimet tona, t’i rrahim ato me demokratët dhe jo vetëm.

Anëtari i Kryesisë së PD-së, Ervin Salianji ka folur nga Durrësi pak para nisjes së takimit me demokratët dhe strukturat e kësaj partie.

Salianji u shpreh se ky takim ka në fokus rikthimin e vëmendjes së politikës tek qytetarët, takimet dhe bashkëbisedimet për një qëllim të vetëm, ringritjen e Partisë Demokratike.

Ai thekson se PD duhet të jetë më e fortë dhe të shihet si një alternativë qeverisëse.

“Salla është plot, është e rëndësishme që cilido prej politikanëve por sidomos ata të PD të kthehen tek njerëzit, tek kafet, tek takimet, tek bashkëbisedimet, për të bërë të mundur ringritjen e PD, ripërtëritjen, unë do të jem në çdo takim ku do të më kërkojnë demokratët për të ndarë mendimet se si PD të bëhet e fortë dhe të jetë alternativë qeverisëse. Janë të gjithë në takim, struktura e PD.

Partia Demokratike duhet të jetë alternativë që e mund Edi Ramën dhe qeverisjen e PS-së. Deputetët janë në Këshillin Kombëtar, është menduar nga organizatorët që të jetë format ku flitet hapur dhe qartë dhe për të çuar mendimin aty ku duhet”, u shpreh ai.

Ish-deputeti Salianji ka njoftuar se nga e mërkura e 3 dhjetorit, do të nisë një seri takimesh me demokratët, duke filluar nga qyteti i Durrësit.

Do të jem për të dëgjuar, bashkëbiseduar dhe për të ndarë mendimet se si Partia Demokratike bëhet më e fortë dhe alternativë që e mund Edi Ramën dhe qeverisjen e PS-së është një takim ku janë gjitha strukturat e PD dhe lista më e votuar e Durrësit...

Ka nisur në Durrës, takimi i anëtarit të Kryesisë së PD-së, Ervin Salianji, me demokratët dhe strukturat lokale të kësaj partie, duke shënuar kështu nisjen e një turi në bazën e kësaj force politike.

Kjo është hera e parë që nga momenti që Sali Berisha mori kontrollin e Partisë Demokratike që zhvillohen “Foltore” jashtë kontrollit të kreut demokrat. Nuk dihet nëse ky takim i parë i anëtarit të Kryesisë do të pasohet nga ndonjë masë ndaj tij, duke pasur parasysh qëndrimin e Berishës që e konsideroi si një lëvizje që nuk ka lidhje me forumet e kësaj partie. 

Pak para nisjes së takimit, Salianji tha se do të jetë në çdo takim që do më kërkojnë demokratët.

“Do të jem për të dëgjuar, bashkëbiseduar dhe për të ndarë mendimet se si Partia Demokratike bëhet më e fortë dhe alternativë që e mund Edi Ramën dhe qeverisjen e PS-së është një takim ku janë gjitha strukturat e PD dhe lista më e votuar e Durrësit. Deputetët janë në Këshillin Kombëtar është menduar nga organizatorët që të jetë format ku flitet hapur dhe qartë dhe për të çuar mendimin aty ku duhet.

Qëllimi i vetëm i çdo takimi është ringritja dhe zgjimi i PD. Interesi publik dhe sidomos opozitar i PD-së”, tha ai.

Nisja e një turi të tillë takimesh nga Salianji u parapri nga një kafe, që ish-deputeti organizoi me fitues të primareve, por edhe me kandidatë për deputetë të listave të hapuram që rezultuan ndër më të votuarit në zgjedhjet e 11 majit.

Ashtu sicc pritej, Ilir Alimehmeti është shfaqur në krah të Salianjit, ndërsa takimi u hap nga Oresti Berberi, nga FRPD, i cili e konsideroi këtë takim në funksion të forcimit të PD dhe hapjes së kësaj force politike.

Në takim janë gjithashtu kryetari i grupit të këshilltarëve të PD në Bashkinë Durrës dhe ish-drejtues i Foltores, Tan Burgia; nënkryetarët e Degës Vis Shuaipi; ish-deputeti Pëllumb Berisha; sekretari i Degës Arlind Boshku; sekretari organizativ Nikolin Radovani; si edhe Luan Hoti, ish-kryetar i degës së PD-së dhe kandidat për kryebashkiak në zgjedhjet e 2023-it, kohë kur vulën e PD-së e kishte grupimi i Lulzim Bashës.

Anëtari i Kryesisë së PD-së, Ervin Salianji, nis nga Durrësi një mori takimesh me demokratët dhe strukturat e kësaj partie.

Pavarësisht një mesazhi që më herët i është shpërndarë anëtarëve të PD-së, ku i kërkohet të mos marrin pjesë në këtë takim, ndërsa u kërkohet të distancohen, duket se disa nga drejtuesit e strukturave lokale i kanë dhënë mbështetje.

Nga raportimet mësohet se mes mbështetësve janë kryetari i grupit të këshilltarëve të PD në Bashkinë Durrës dhe ish-drejtues i Foltores, Tan Burgia; nënkryetarët e Degës Vis Shuaipi; ish-deputeti Pëllumb Berisha; sekretari i Degës Arlind Boshku; sekretari organizativ Nikolin Radovani; si edhe Luan Hoti, ish-kryetar i degës së PD-së dhe kandidat për kryebashkiak në zgjedhjet e 2023-it, kohë kur vulën e PD-së e kishte grupimi i Lulzim Bashës.

Në takim do jenë të pranishëm gjithashtu drejtues strukturash, ish-deputetë dhe drejtues ndër vite, si edhe pjesa dërrmuese e drejtuesve të grupseksioneve.

Deputetët më të votuar të Qarkut të Durrësit, Aulon Kalaja dhe Ndrec Pjetri, do të jenë gjithashtu pjesë e mbledhjes. Gjithashtu mësohet se takimit i është bashkuar edhe Ilir Alimehmeti, kandidati më i votuar i listës së hapur të PD-së në Tiranë, i cili nuk arriti të marrë mandat deputeti.

Duket se në këtë mënyrë, vetë kreu demokrat, Sali Berisha, është kujdesur që ky takim i parë i Ervin Salianjit, i cili kur la qelinë pasi kreu më shumë se 2/3 e dënimit për atë që njihet si dosja “Babalja” u prit si një hero në Partinë Demokratike...

Ervin Salianji, anëtar i Kryesisë së PD-së, ka njoftuar pak ditë më parë mbajtjen e një takimi me demokratët në Durrës, në kuadrin e një bashkëbisedimi me anëtarët dhe strukturat e kësaj partie.

Foltoret e Salianjit u njoftuan pas një takimi që ai pati me disa nga emrat më të votuar në primaret dhe si kandidatë të listave të hapura në zgjedhjet e 11 majit.

Por duket se edhe kjo “Foltore” e Salianjit, ashtu si takimi në kafe, ka trazuar ujërat në PD. Ishte Sali Berisha që dha i pari alarmin teksa e konsideroi takimin e anëtarit të Kryesisë së tij si jo në përputhje me statusin. Berisha tha se duhet PD ka struktura legjitime, ku çdo anëtar mund të shprehë mendimet e tij.

Menjëherë pas paralajmërimit nga Berisha, lëvizja e rradhës u bë nga drejtues të degëve të PD-së në Durrës. Një mesazh i dërguar nga Osman Stafa, drejtues i degës 2 dhe Ardi Muka, i degës 1, ka mbërritur në anëtarësinë e PD-së, ku i kërkohet atyre që të mos marrin pjesë në takimin e thirrur nga Salianji.

Duket se në këtë mënyrë, vetë kreu demokrat, Sali Berisha, është kujdesur që ky takim i parë i Ervin Salianjit, i cili kur la qelinë pasi kreu më shumë se 2/3 e dënimit për atë që njihet si dosja “Babalja” u prit si një hero në Partinë Demokratike. Por shumë shpejt duket se ish-deputeti ka trazuar ujërat në partinë më të madhe opozitare dhe brenda pak ditësh ka sjellë përplasje në PD.

“Persona të paautorizuar kanë shpërndarë një njoftim për takim me strukturat”, duke shtuar se kjo lëvizje “nuk ka të bëjë as me Partinë Demokratike dhe as me agjendën e saj”.

Mesazhi e cilëson këtë thirrje si “fund e krye dezinformim”.

"I nderuar anëtar i PD, dega Durrës!

Persona të paautorizuar kanë shpërndarë një njoftim për takim me strukturat tona. Ky njoftim nuk ka të bëjë as me Partinë Demokratike dhe as me agjendën e saj. Ai njoftim është fund e krye dezinformim.

Partia Demokratike sot ka në fokus të betejës së saj korrupsionin Rama–Balluku në Tunelin e Llogarasë dhe aferat e tjera korruptive të tyre. Ndërkohë jemi duke hyrë në procesin e brendshëm të analizës, gjithnjë vetëm brenda forumeve të Partisë.

Ndaj ne, si anëtarë të PD-së, distancohemi nga këto të ashtuquajtura takime të njoftuara për nesër, datë 3 Dhjetor.

Me respekt,

Kryetarët e degëve Durrës 1 dhe 2,
Ard Muka dhe Osman Stafa", thuhet në mesazhin e shpërndarë nga PD Durrës.