Minutë pas minute/ Si Izraeli goditi në “zemër” të Katarit, 5 krerë të Hamas në shënjestër; SHBA aprovoi sulmin

Raportime kontradiktore dalin mbi fatin e udhëheqësve të Hamasit të shënjestruar në sulmin në Doha.

Al Jazeera raporton, duke cituar një zyrtar të lartë të Hamasit, se udhëheqja e Hamasit e kryesuar nga Khalil al-Hayya, e cila ishte mbledhur në Katar, i mbijetoi sulmit.

Megjithatë, kanali saudit Al-Hadath raportoi më parë se disa figura të larta të Hamasit - përfshirë Khalil al-Hayya, Khaled Mashaal, Zaher Jabarin dhe Nizar Awadallah - ishin vrarë.

Nuk ka pasur asnjë deklaratë zyrtare nga Hamasi ose autoritetet e Katarit.

Një zyrtar i Hamasit në Gaza i tha AFP-së se udhëheqësit e grupit palestinez të shënjestruar në sulmin e Izraelit në Doha ishin mbledhur për të diskutuar propozimin e fundit për armëpushim.

“Në një krim të ri sionist, delegacioni negociues i Hamasit u vu në shënjestër gjatë takimit të tij në Doha, ndërsa diskutohej propozimi i Presidentit (SHBA) (Donald) Trump për një armëpushim në Rripin e Gazës”, thotë zyrtari në kushte anonimiteti pasi nuk ishte i autorizuar të fliste për këtë çështje.

Izraeli ka marrë përgjegjësinë e plotë lidhur me sulmin në kryeqytetin e Katarit, Doha, ku në shënjestër ishin drejtues të lartë të Hamasit.

Pas sulmeve në Doha, zyra e Benjamin Netanyahut deklaroi se Izraeli nisi, e drejtoi dhe merr përgjegjësinë e plotë për goditjen në zemër të Katarit.

"Veprimi i sotëm kundër krerëve kryesorë terroristë të Hamasit ishte një operacion tërësisht i pavarur izraelit. Izraeli e nisi, e drejtoi dhe merr përgjegjësi të plotë”, thuhet në deklaratë.

Kjo vjen pas disa raportimeve në median izraelite që sugjeruan se SHBA-të luajtën një rol në operacion. Më parë, Channel 12 citoi një zyrtar izraelit i cili tha se Donald Trump "dha dritën jeshile" për sulmin.

Qeveria e Katarit ka reaguar me tone të ashpra pas sulmit ajror të Izraelit në kryeqytetin Doha, duke e cilësuar atë një shkelje flagrante të ligjit ndërkombëtar dhe të sovranitetit shtetëror. 

5 udhëheqësit e Hamasit

Mediat arabe raportojnë se udhëheqësit më të lartë të Hamasit ishin të pranishëm kur ndërtesa në të cilën ndodheshin u godit nga një sulm ajror izraelit.

Ushtria e Izraelit ka kryer një sulm të drejtpërdrejtë në kryeqytetin e Katarit, Doha, duke shënjestruar drejtues të lartë të Hamasit.

Mediat arabe raportojnë se udhëheqësit më të lartë të Hamasit ishin të pranishëm kur ndërtesa në të cilën ndodheshin u godit nga një sulm ajror izraelit.

Midis anëtarëve të delegacionit të sulmuar në selinë e Hamasit në Doha ishte edhe udhëheqësi i Hamasit në Gaza, Khalil al-Hayya.

Gjithashtu besohet se gjatë sulmit në selinë qendrore kanë qenë të pranishëm figura të larta të Hamasit: Zaher Jabarin, i cili udhëheq Hamasin në Bregun Perëndimor, Muhammad Darëish, kreu i Këshillit Shura të Hamasit dhe Khaled Mashaal, kreu i Hamasit jashtë vendit.

Al-Arabiya dhe Al-Hadath i Arabisë Saudite raportuan vrasjet, duke cituar burimet e tyre. Megjithatë, burimet e grupit Hamas i mohuan vrasjet nëpërmjet Al Jazeera.

Në deklaratën zyrtare thuhet se sulmi ishte i “precizionuar”, me qëllim goditjen e lidershipit të organizatës, ndërsa u përdorën municione të kontrolluara për të minimizuar dëmet ndaj civilëve.

Shpërthimet u raportuan fillimisht nga gazetari Barak Ravid i “Axios”.

 Agjencia “Reuters” raportoi dëshmi të qytetarëve që panë shtëllunga tymi të ngriheshin mbi distriktin Katara, një zonë e njohur e kryeqytetit të Katarit.

Operacioni “Dita e Gjykimit” shënon goditjen e parë të Izraelit në Katar; Doha flet për shkelje flagrante të ligjit ndërkombëtar

Sulmi i paprecedentë i Izraelit në kryeqytetin e Katarit, Doha, ka hapur një krizë të re ndërkombëtare, duke zhvendosur konfliktin përtej kufijve të Gazës. Forcat e Mbrojtjes së Izraelit (IDF) dhe shërbimi i sigurisë Shin Bet konfirmuan se operacioni kishte në shënjestër drejtuesit më të lartë të Hamas. Tel Avivi e quajti këtë operacion “Atzeret HaDin” – “Dita e Gjykimit”, një emër me ngarkesë simbolike, që lidhet me 7 tetorin 2023, ditën kur Hamas kreu masakrën në jug të Izraelit.

Raportet e para për shpërthimet erdhën nga gazetari Barak Ravid i “Axios”, ndërsa dëshmitarët në terren konfirmuan për “Reuters” se panë shtëllunga tymi dhe dëgjuan shpërthime të fuqishme mbi distriktin Katara, një zonë e populluar në Doha. Izraeli pretendoi se kishte marrë masa për të shmangur viktimat civile, duke përdorur municione precize dhe inteligjencë shtesë.

Një detaj i rëndësishëm që po qarkullon në mediat izraelite është se sulmi është kryer me miratimin e presidentit amerikan Donald Trump. Kjo “dritë jeshile” nga Uashingtoni, nëse konfirmohet, do të përfaqësonte përfshirjen e drejtpërdrejtë të SHBA-ve në një operacion të kontestuar ndërkombëtarisht, duke ngritur pikëpyetje të mëdha për implikimet diplomatike dhe ligjore.

Reagimi i Katarit ishte i ashpër. Qeveria e Dohas e quajti sulmin një “akt të ulët dhe të papranueshëm”, duke theksuar se bëhet fjalë për një shkelje flagrante të ligjit ndërkombëtar dhe të sovranitetit kombëtar. Autoritetet vendosën nisjen e një hetimi në nivelin më të lartë shtetëror, ndërsa paralajmëruan se pasojat do të trajtohen në instanca diplomatike dhe ligjore.

Analisti ushtarak britanik Michael Clarke paralajmëroi se goditja është një “ekzekutim jashtëgjyqësor në një vend neutral” dhe përbën kthesë të rrezikshme. “Kur ti vret udhëheqësit me të cilët po negocion, nuk ka më proces politik, ka vetëm përshkallëzim”, tha ai. Clarke shtoi se kjo goditje hedh “drejtpërdrejt në erë” çdo perspektivë për një armëpushim, ndërsa Katari do të detyrohet të rishikojë marrëdhëniet e tij me Hamas dhe grupet e tjera që ka strehuar.

Situata u tensionua edhe më tej pasi Ambasada e SHBA-ve në Doha nxori një urdhër emergjent për qytetarët amerikanë, duke i këshilluar ata të strehohen. Kjo e bën edhe më të dukshme kontradiktën e Uashingtonit: nga njëra anë, paralajmëron qytetarët e vet për rrezikun, ndërsa nga ana tjetër, sipas mediave izraelite, ka dhënë miratimin për goditjen.

Ky sulm jo vetëm që vë në pikëpyetje rolin e Katarit si ndërmjetës, por rrezikon të përfshijë edhe SHBA-të drejtpërdrejt në një krizë të re ndërkombëtare.

Ambasada e Shteteve të Bashkuara në Katar ka lëshuar një urdhër urgjent për qytetarët amerikanë që ndodhen në Doha, duke i këshilluar ata të strehohen menjëherë dhe të ndjekin komunikimet zyrtare për përditësime. Ky reagim erdhi pas raporteve për sulme me raketa në kryeqytetin e Katarit, të cilat kanë shkaktuar panik dhe paqartësi në terren.

“Ne kemi parë raportime për goditje me raketa në Doha. Qytetarët amerikanë këshillohen të qëndrojnë të strehuar dhe të monitorojnë kanalet tona zyrtare të komunikimit për informacion të mëtejshëm”, thuhet në njoftimin e ambasadës.

Ndërkohë, media izraelite raporton se sulmi, i cili kishte për objektiv lidershipin e Hamas, është kryer me miratimin e ish-presidentit amerikan Donald Trump. Nëse ky detaj konfirmohet, ai do të hapë një debat të gjerë mbi përfshirjen e drejtpërdrejtë të SHBA-ve në këtë operacion, duke e vendosur Uashingtonin në qendër të kritikave ndërkombëtare për shkeljen e sovranitetit të Katarit.

Ky zhvillim vjen në një moment tepër të ndjeshëm, pasi Katari ka luajtur rolin e ndërmjetësit në negociatat për armëpushim mes Izraelit dhe Hamas. Tashmë, jo vetëm që roli i Dohas vihet në pikëpyetje, por edhe siguria e qytetarëve të huaj në Katar duket e rrezikuar.

Forcat e Mbrojtjes së Izraelit (IDF) dhe shërbimi i brendshëm i sigurisë, Shin Bet, kanë konfirmuar zyrtarisht se sulmi i fundit në kryeqytetin e Katarit u krye për të goditur “lidershipin më të lartë të Hamas”.

Në deklaratën e përbashkët, dy institucionet theksuan se “do të veprojmë me vendosmëri për të shkatërruar Hamas, i cili mban përgjegjësinë për masakrën e 7 tetorit”.

Operacioni u krye nga forcat ajrore izraelite, ndërsa sipas ushtrisë, para nisjes së tij u morën masa për të shmangur viktimat civile, përfshirë përdorimin e armëve të precizionit dhe inteligjencës shtesë. Megjithatë, sulmi në Doha ka hapur një stuhi reagimesh diplomatike, pasi Katar konsiderohej deri tani një vend neutral dhe ndërmjetës i bisedimeve për armëpushim në Gaza.

Izraeli i ka vënë operacionit emrin hebraik “Atzeret HaDin”, që përkthehet “Dita e Gjykimit”. Ky emërtim nuk është i rastësishëm, pasi lidhet me festën hebraike “Shemini Atzeret”, ditën kur Hamas sulmoi jugun e Izraelit më 7 tetor 2023. Me këtë, Tel Avivi i jep një dimension simbolik goditjes, duke e paraqitur si hakmarrje të drejtpërdrejtë ndaj aktit të Hamas.

Mediat izraelite raportojnë se Presidenti i SHBA-së, Donald Trump, i dha Izraelit miratimin e tij për sulmin ndaj udhëheqjes së Hamasit në Katar. Kanali 12 citon një zyrtar izraelit në raportin e tij se Trump "dha dritën jeshile".

Ky zhvillim pritet të ashpërsojë më tej tensionet rajonale dhe të ngrejë në pikëpyetje rolin e Katarit si ndërmjetës. Ndërkohë, pritet reagimi i fuqishëm i vendeve arabe dhe i aktorëve ndërkombëtarë mbi shkeljen e sovranitetit të Dohas.

Analisti ushtarak britanik Michael Clarke e ka cilësuar sulmin ajror të Izraelit në Katar si një “hap cilësor” dhe ndryshim rrënjësor në mënyrën se si Tel Avivi po e trajton konfliktin me Hamas. Duke folur për mediat ndërkombëtare, Clarke tha se bëhet fjalë për një “ekzekutim jashtëgjyqësor të udhëheqësve të Hamas në një vend neutral”, të cilin e quajti të vështirë për t’u justifikuar në planin ligjor dhe diplomatik.

Sipas tij, fakti që Izraeli ka zgjedhur të eliminojë drejtues të Hamas pikërisht në Katar, vend ku zhvilloheshin negociatat për armëpushim, është “jashtëzakonisht serioz” dhe hedh poshtë çdo shans për një marrëveshje të afërt. “Kur vret të vetmit njerëz me të cilët je ulur në bisedime, atëherë rezultati nuk është vetëm ushtarak, por edhe thellësisht politik”, tha Clarke.

Ai kujtoi se goditja vjen pas sulmit të armatosur në Jerusalem, për të cilin Hamas mori përgjegjësinë, por theksoi se sulmi në Doha përbën precedent të ri. “Izraeli nuk e kishte bërë kurrë më parë një gjë të tillë në Katar. Kishte një perceptim se aty udhëheqësit e Hamas ishin të sigurt për shkak të rolit të vendit si ndërmjetës”, shtoi eksperti britanik.

Clarke parashikon se pas këtij sulmi, Katari mund të rishikojë qëndrimin e tij ndaj Hamas dhe grupeve të tjera me të cilat ka ruajtur lidhje, gjë për të cilën është kritikuar shpesh nga Perëndimi. “Ky sulm nuk është thjesht një operacion ushtarak, por një goditje diplomatike që ndryshon lojën”, përfundoi ai.

BBC konfirmon sulmin izraelit mbi një takim të Hamasit në Doha, Katar. Një zhvillim që rrezikon të zgjerojë konfliktin në Lindjen e Mesme...

  Për herë të parë që nga nisja e luftës në Gaza, Izraeli ka zgjatur veprimet e tij ushtarake jashtë territorit palestinez, duke goditur një takim të lartë të Hamasit në kryeqytetin e Katarit, Doha. Lajmi u konfirmua nga BBC News, në një raportim LIVE nga Jerusalemi, ku u tha qartë: “Israel bombs Hamas leaders meeting in Qatar”.

Sipas burimeve nga Gaza dhe media të ndryshme, sulmi ajror i Izraelit është përqendruar ndaj pjesëtarëve të ekipit negociator të Hamasit, duke sjellë tensione serioze ndërkombëtare dhe duke vënë në pikëpyetje rolin e Katarit si ndërmetës i paanshëm në krizën izraelito-palestineze.

Ministria e Jashtme e Katarit nuk ka reaguar ende zyrtarisht, por burime diplomatike në Doha e konsiderojnë sulmin si një "provokim të drejtpërdrejtë kundër sovranitetit të Katarit". Ky veprim, sipas analistëve ndërkombëtarë, mund të ndryshojë balancat diplomatike në rajon, duke rritur presionin mbi Shtetet e Bashkuara dhe BE-në, të cilat e shohin Katarin si partnere strategjike në Lindjen e Mesme.

Ndërkohë, Gaza vazhdon të digjet në një cikël të pafund të dhunës. Të dhënat më të fundit tregojnë se nga tetori 2023 deri më sot, mbi 64,600 palestinezë janë vrarë dhe mbi 163,000 janë plagosur, ndërsa mijëra të tjerë besohet se janë ende nën rrënoja.

Hamas e ka cilësuar sulmin ndaj Katarit si “shenjë të qartë që Izraeli nuk e respekton as ligjin ndërkombëtar dhe as kufijtë e sovranitetit shtetëror”. Kjo lëvizje pritet të shkaktojë reagime nga vendet si Turqia, Irani dhe Rusia, të cilat e shohin Katarin si aleat ose partner të dobishëm në kauzën palestineze.

Ndërsa Netanyahu kërcënon me një ofensivë tokësore në Gaza City dhe u bën thirrje palestinezëve të "largohen tani", bota po përjeton një moment të ri lufte, që tejkalon kufijtë e zakonshëm të konfliktit.

Ky nuk është më vetëm një luftë në Gaza. Ky është një sinjal se Lindja e Mesme mund të shpërthejë si asnjëherë më parë./Pamfleti

Qeveria e Katarit ka reaguar me tone të ashpra pas sulmit ajror të Izraelit në kryeqytetin Doha, duke e cilësuar atë një shkelje flagrante të ligjit ndërkombëtar dhe të sovranitetit shtetëror. Në një deklaratë zyrtare, autoritetet katariote e përshkruan goditjen si një “akt të ulët dhe të papranueshëm”, duke paralajmëruar se pasojat do të trajtohen në instanca diplomatike dhe ligjore.

Doha bëri të ditur se është hapur një hetim në nivelin më të lartë për të verifikuar detajet e sulmit dhe për të evidentuar dëmet. Zyrtarët katariotë theksuan se siguria e qytetarëve është prioritet, ndërsa kërkuan llogari nga Izraeli për shkeljen e qartë të normave ndërkombëtare.

Ky zhvillim rrezikon të përmbysë rolin ndërmjetësues që Katari ka luajtur gjatë muajve të fundit në bisedimet mes Hamas dhe Izraelit për një armëpushim në Gaza. Tashmë, pozicioni i Dohas si garant i procesit diplomatik vihet në pikëpyetje, ndërkohë që priten reagime të forta nga vendet arabe dhe organizatat ndërkombëtare.

Hera e parë që Izraeli ndërmerr sulm në Katar...

Ushtria e Izraelit ka njoftuar se ka kryer një sulm të drejtpërdrejtë në kryeqytetin e Katarit, Doha, duke shënjestruar drejtues të lartë të Hamasit. Në deklaratën zyrtare thuhet se sulmi ishte i “precizionuar”, me qëllim goditjen e lidershipit të organizatës, ndërsa u përdorën municione të kontrolluara për të minimizuar dëmet ndaj civilëve.

Shpërthimet u raportuan fillimisht nga gazetari Barak Ravid i “Axios”, i cili citoi një zyrtar izraelit që konfirmonte nisjen e një atentati ndaj figurave kryesore të Hamasit. Agjencia “Reuters” raportoi dëshmi të qytetarëve që panë shtëllunga tymi të ngriheshin mbi distriktin Katara, një zonë e njohur e kryeqytetit të Katarit.

"IDF dhe ISA kryen një sulm të saktë që synonte udhëheqjen e lartë të organizatës terroriste Hamas. Për vite me radhë, këta anëtarë të udhëheqjes së Hamasit kanë udhëhequr operacionet e organizatës terroriste, janë përgjegjës drejtpërdrejt për masakrën brutale të 7 tetorit dhe kanë orkestruar dhe menaxhuar luftën kundër shtetit të Izraelit.

Përpara sulmit, u morën masa për të zbutur dëmin ndaj civilëve, duke përfshirë përdorimin e municioneve të sakta dhe inteligjencës shtesë.

IDF dhe ISA do të vazhdojnë të veprojnë me vendosmëri për të mposhtur organizatën terroriste Hamas përgjegjëse për masakrën e 7 tetorit", thuhet në deklaratë.

Mediat izraelite raportojnë se Presidenti i SHBA-së, Donald Trump, i dha Izraelit miratimin e tij për sulmin ndaj udhëheqjes së Hamasit në Katar. Kanali 12 citon një zyrtar izraelit në raportin e tij se Trump "dha dritën jeshile".

Qeveria e Katarit ka reaguar me tone të ashpra pas sulmit, duke e cilësuar atë një shkelje flagrante të ligjit ndërkombëtar dhe të sovranitetit shtetëror. Në një deklaratë zyrtare, autoritetet katariote e përshkruan goditjen si një “akt të ulët dhe të papranueshëm”, duke paralajmëruar se pasojat do të trajtohen në instanca diplomatike dhe ligjore.

Doha bëri të ditur se është hapur një hetim në nivelin më të lartë për të verifikuar detajet e sulmit dhe për të evidentuar dëmet. Zyrtarët katariotë theksuan se siguria e qytetarëve është prioritet, ndërsa kërkuan llogari nga Izraeli për shkeljen e qartë të normave ndërkombëtare.

Ky zhvillim trondit diplomacinë rajonale, pasi është hera e parë që Izraeli godet drejtpërdrejt brenda territorit të Katarit, një vend që prej kohësh ka shërbyer si strehë politike për drejtuesit e Hamasit dhe si ndërmjetës në negociatat me Palestinën. Reagimi i autoriteteve të Katarit ende nuk është bërë publik, por pritet të ndezë debate të forta ndërkombëtare mbi shkeljen e sovranitetit të vendit.