FLASH
Shkruar nga Pamfleti
Zbardhen detaje te reja nga sherri me thika në Tropojë, ku gjatë përleshjes mbeti i vrarë 24 vjeçari Adrian Pepkolaj dhe u plagosën 2 të tjerë.
Sipas policisë, përplasja mes 5 personave në një lokal në fshatin Rajë të Fierzës është bërë pas konsumimit të alkoolit, efekti i të cilit mendohet se ka nxehur gjakrat mes tyre.
Burime nga policia thanë se 5 personat kanë qenë duke pirë alkool dhe më pas janë përfshirë në një konflikt banal, ku kanë përdorur shishe të thyera të pijeve alkolike dhe mjete të forta duke e kthyer në një tragjedi.
Mësohet se gjithçka ka nisur pas një debati me njëri-tjetrin, për motive ende të paqarta.
Kujtojmë se një viktimë dhe 2 të plagosur është bilanci i përplasjes me thika e sende të forta të ndodhur pasditen e 11 korrikut në një lokal në fshatin Rrajë të Fierzës në Tropojë.
24-vjeçari Adrian Pepkolaj ndërroi jetë në spital, ndërsa të plagosur kanë mbetur vëllai i tij Valentin Pepkolaj, 32 vjeç, dhe Shkëlzen Kukaj, 45 vjeç të cilët ndodhen nën kujdesin e mjekëve.
Në kërkim është shpallur autori Saimir Sadiku, banues në fshatin Dushaj, Tropojë.
Policia ka ngritur pika kontrolli dhe po punon për kapjen e tij ndërsa janë arrestuar 5 persona, shokët e tij, Andrin Qehaja, Xhevolin Macaj, Altin Shpendi, Anton Boçi, Jetmir Kuraj.
Lini një Përgjigje