FLASH
Shkruar nga Pamfleti
Eksperti i sigurisë, Fatjon Softa ka folur për ngjarjet kriminale që kanë shënjuar këtë fillim viti, si ajo e autostradës Vlorë- Fier ku u ekzekutua Kristjan Marku, apo në Tiranë te Pallati me Shigjeta ku u vra biznesmeni Bujar Nasufi.
Softa thotë se vrasjet si ajo e Vlorës janë të përsëritura.
'Vrasje tipike që ka ndodhur dhe në 2022 në të njëjtin aksi, në të njëjtën mënyrë. Mjetet shkojnë paralel. E njëjta skemë dhe kjo e Vlorës. Një makinë që ka bërë ndjekjen e personit, vrasje me pistoletë ku makina ka bërë 1000 metra me përpjekje për tu shmangur. Dy plumba ishin fatale. Sagë e hakmarrjeve mes dy fiseve. Ajo çka bën përshtypje e njëjta skemë. Mjeti i vjedhur dhe ka bërë targat e një makine të vjedhur. Pasi u largua nga vendi i ngjarjes u dogj dhe një tjetër e priste duke u bërë largimi nga vendi i ngjarjes. Mendoj se është vrasje me pagesë. Fiset janë pyetur ato që jetojnë në Rrëshen. Janë lënë të lirë. Personi ka qenë i ndjekur nga Tirana në Vlorë. mund ta kenë nxjerrë në pritë. Ose e kanë ndjekur me GPS.', tha ai në ‘Sot Live në Shqipëri’.
Ndërsa sa i përket vrasjes në Postribë të Ramazan Matajt, Softa thotë se ishte më e lehtë për tu zbuluar për shkak se vrasësi nuk ishte profesionist si dy rastet e lartpërmendura.
'Rasti i Postribës ishte më i thjeshtë. Ishte telefoni i viktimës dhe komunikimet e qarta dhe pamjet filmike të autorit është shfaqur me biçikletë, ka shfaqur fytyrën dhe grupi hetimor shkoi te banesa e tij dhe gjeti armën e krimit. Kur flasim për vrasës me pagesë, flasim për vrasës profesionistë. Djegin provat. Nuk e kemi armën e zjarrit. Rasti i Pallatit me Shigjeta, personi ka qenë i maskuar, u largua me motor. Motori u gjet në Sharrë, i djegur por nuk u gjet arma e krimit. Nuk ka të dhëna që mund të krijojnë një identikit. Nuk ka diçka konkrete. Rasti i Vlorës, ka një pistë më të besueshme si gjakmarrja, për shkak të profilit të personit. Nuk ka gjurmë apo të dhëna drejt autorëve.', shtoi eksperti.
Lini një Përgjigje