FLASH
Shkruar nga Pamfleti
Shqiptari Roan Brahimi është vrarë dje në një atentat mafioz që iu bë në sy të gruas dhe djalit në Athinë.
Në këto pamje shihet vendi i rrethuar nga policia, dhe njerëzit e alarmuar, pak çaste pasi kishte ndodhur vrasja.
Një sipërmarrës, i cili ndodhej në dyqanin e tij pak metra larg vendngjarjes, tregon se dëgjoi fillimisht 3 të shtëna me armë zjarri. Mendoi se ishin fishekzjarre të hedhura nga tifozët e skuadrës së Olimpiakos.
Kur doli nga dyqani, pa një grua që po bërtiste, që mesa duket ishte bashkëshortja e viktimës.
“Dola para dyqanit tim dhe pashë një grua që hapi derën e makinës dhe bërtiste “e hëngrën”, diçka e tillë. Nuk vura re nëse kishte gjak. Pas makinës, 10 metra më tutje, ndodheshin 2 fëmijë të mitur të cilët i larguan”, tregon dëshmitari.
Gruaja që po bërtiste “e hëngrën” i referohej faktit që e vranë.
Një tjetër grua dëshmitare ka treguar për mediat greke se shqiptari u vra në sy të fëmijës së tij të mitur. Djali i viktimës po luante në shesh me vajzën e dëshmitares që rrëfen: “Vajza ime e vogël po luante me djalin e tij. Dëgjuam të shtënat dhe vrapova të shikoja nëse po ndodhte diçka apo ishte lojë. Vogëlushi po qante dhe bërtiste ‘babi im babi im”.
Lini një Përgjigje