FLASH
Shkruar nga Pamfleti
Një vrasje me armë ka tronditur Kurbinin mëngjesin e sotëm.
Në një firmë ku përpunohen inerte në fshatin Gurëz është vrarë me armë ekonomisti i firmës dhe është plagosur një person tjetër.
Viktima është shtetasi Selman Mihana rreth 70 vjeç. Vrasja ka ndodhur pranë firmës së Ardian Gjeloshit, teksa edhe ky i fundit ka mbetur i plagosur.
Gjeloshi është transportuar për ndihmë mjekësore të specializuar drejt Spitalit të Traumës
Policia ka nisur hetimet për zbërthimin e ngjarjes. Në ndihmë të Policisë vendore kanë shkuar forcat Kombëtare të Sigurisë dhe Forcat Speciale RENEA.
“Rreth orës 07:00, është marrë njoftim se në fshatin Gurez, Kurbin, në ambientet e një firme ku përpunohen inerte, në rrethana ende të paqarta është vrarë me armë zjarri shtetasi S. M, rreth 70 vjec, ekonomist i firmës, si dhe është plagosur pronari shtetasi A. GJ, rreth 51 vjec, i cili është transportuar në spital për ndihmë mjekësore.
Shërbimet e Policisë Vendore kanë shkuar në vendngjarje, është rrethuar zona dhe vijon kontrolli i territorit.
Ndërkohë është ngritur një grup i posaçëm hetimor nën drejtimin e Prokurorisë për zbardhjen e rrethanave të ngjarjes, identifikimin dhe kapjen e autorit/ve.
Në ndihmë të Policisë vendore kanë shkuar forcat Kombëtare të Sigurisë dhe Forcat Speciale Renea.
Në një moment të dytë do të ketë njoftim më të plotë në lidhje me ngjarjen.”-thuhet në njoftimin e policisë.
Lini një Përgjigje