FLASH
Shkruar nga Pamfleti
Fillimisht u gjet një trup i pajetë pranë një hoteli, teksa një 40-vjeçar u paraqit i plagosur në spital, por më pas ndërroi jetë.
Qyteti i Korçës është tronditur mbrëmjen e sotme, pasi si pasojë e të shtënave me armë zjarri kanë humbur jetën dy persona.
Ngjarja ka ndodhur në lagjen nr.18, teksa raportohet se një person ka qëlluar për vdekje një tjetër dhe më pas ka vrarë veten.
Fillimisht u gjet një trup i pajetë pranë një hoteli, teksa një 40-vjeçar u paraqit i plagosur në spital, por më pas ndërroi jetë.
Policia në reagimin e saj njoftoi se nuk e kishte idetifikuar trupin e pajetë, ndërsa 40-vjeçari që vdiq në spital është identifikuar si Emiliano Pine. Ai njihej edhe si Jorgo Prifti. Më pas u zbulua se trupi i pajetë i përket Ilia Llukës, i cili qëlloi ndaj Pines dhe më pas vrau veten.
“Më datë 28.02.2024, rreth orës 20:25, në lagjen nr. 18, Korçë, rruga “Koço Golniku”, një shtetas ende i paidentifikuar, dyshohet se ka qëlluar me armë zjarri shtetasin E. P., rreth 40 vjeç, banues në Korçë, i cili ka humbur jetën gjatë transportimit për në spitalin e Korçës.
Autori i dyshuar i krimit, pasi ka qëlluar 40-vjeçarin, dyshohet se është vetëvrarë me armën e krimit. Shërbimet e Policisë kanë shkuar menjëherë në vendngjarje, ku kanë gjetur dhe sekuestruar në cilësinë e provës armën e krimit, gëzhojat. Gjithashtu janë administruar dhe po këqyren pamjet filmike nga kamerat e sigurisë.
Për këtë rast është krijuar një grup i posaçëm hetimor i cili po punon për zbardhjen dhe dokumentimin e plotë të ngjarjes, si dhe për identifikimin e autorit të ngjarjes”, njoftoi më herët policia.
Dyshimet janë se personat njiheshin me njëri-tjetrin dhe mund të kemi të bëjmë me hasmëri ose me sherr mes tyre. Por policia po heton për të zbuluar lidhjen dhe arsyet e krimit.
Lini një Përgjigje