FLASH
Shkruar nga Pamfleti
SPAK ka hedhur dritë mbi disa ngjarje që kanë të bëjnë me vrasjen e njerëzve të Ervis Martinajt.
Përveçse shumave të mëdha të parave dhe florinjve që janë gjetur gjatë kontrolleve në banesat e bosëve të krimit, disa nga ngjarjet që ka zbardhur SPAK kanë të bëjë me vrasjen e njerëzve të Ervis Martinajt, bosit të lojërave të fatit që rezulton i zhdukur prej gushtit 2022.
Dhe pikërisht ishin përplasjet për këtë biznes që sollën eliminimin e rrethit të ngushtë të miqve të Martinajt.
Mediat raportojnë se burimet tregojnë që është zbardhur ekzekutimi i biznesmenit Bardhok Pllanaj, të dielën e Pashkëve, më 4 Prill 2021 në Shkodër. I njohur me nofkën “Kumbari”, ndërtues i pallateve, por i skeduar dhe për trafik droge ishte nisur drejt Malësisë së Madhe, kur një skuadër qitësish profesionistë ju vunë në ndjekje dhe e vranë 50 metra larg shtëpisë, në fshatin Dobraç i Ri.
Po ashtu, dritë është hedhur edhe mbi atentatin e dështuar ndaj 33-vjeçarit Taulant Pepaj më 21 shkurt të vitit 2021. SPAK ka zbardhur edhe përplasjet mes Durim Bamit dhe grupit Avdylaj, që nga miq u kthyen në rivalë.
Gjithashtu është zbardhur edhe vrasja në vitin 2021 në zonën e Astirit e Erigers Mihasit dhe Armando Dumanit.
Një tjetër rast, është atentati ndaj Can Karriqit, një prej njerëzve më të besuar të Martinajt, atentati ndaj Ylli Brahimit, apo ekzekutimi i Brilant Martinajt. Më tej thuhet se janë zbuluar disa atentate dhe në Durrës, ngjarje ku përfshihen Plaurent Dervishaj dhe Endrit Dokle, dy personazhe të njohur të bandës së Durrësit.
Lini një Përgjigje